නුවරඑළිය දිස්ත්රික්කයට ඊයේ (29) රාත්රියේ ඇද හැලුණු අධික වර්ෂාවත් සමග හඟුරන්කෙත ප්රදේශ කිහිපයක ජනතාවට අනපේක්ෂිත ආපදාවකට මුහුණදීමට සිදුවුණා.
මහ වැසි සමඟ පස්කඳු සහ ගල් පෙරලීමෙන් මහනුවර – පදියපැලැල්ල මාර්ගය ස්ථාන හතරකින් අවහිර වූ අතර, රථවාහන ධාවනය ද මුළුමනින්ම නැවතී තිබෙනවා.
හගුරන්කෙත, පදියපැලැල්ල, මන්දාරම්නුවර, මතුරට සහ හේවාහැට ප්රදේශවලට ඊයේ (29) පස්වරුවේ සිට අද (30) පෙරවරුව දක්වා ධාරාණිපාත වැසි ඇද හැලී තිබුණා.
ගතවූ පැය විසි හතර තුළ දිවයිනේ වැඩිම වර්ෂාපතනය ලැබී තිබුණේ ද නුවරඑළිය දිස්ත්රික්කයටවන අතර එය මිලිමිටර් 150ක්.
මේ හේතුවෙන් එම ප්රදේශ කිහිපයක නායයෑම්ද වාර්තා වූ අතර, පදියපැලැල්ල සිට මහනුවර දක්වා දිවෙන මාර්ගය ද ස්ථාන 04කින් අවහිර වුණා.
එහි වැඩිම බලපෑමක් එල්ලවුණේ මන්දාරම්නුවර සංචාරයක කලාපයේ ප්රවේශ මාර්ගයේ පිහිටි කදුරකඩේ හන්දිය ප්රදේශයටයි.
කදුරකඩේ දිය ඇල්ලේ ජල මට්ටම අධික වැසි තත්ත්වයත් සමඟ සීඝ්රයෙන් ඉහළ ගිය අතර, චණ්ඩ වූ ජල පහර ගස්, ගල් සහ වැලි සමඟ මෙලෙස පහළට ගසාගෙන විත් තිබුණා.
ජලගැලීම් හේතුවෙන් අවට නිවාස කිහිපයකටද හානි සිදුව තිබුණා.
රථ වාහන කිහිපයක්ද ජලගැලීම්වලට හසුව තිබූ අතර, පස් කඳු කඩාවැටීමෙන් සහ ගල් පෙරලීමෙන් පදියපැලැල්ල සිට මහනුවර දක්වා දිවෙන මාර්ගයේ රථවාහන ධාවනය ද මුළුමනින්ම ඇණහිට තිබෙනවා.
එම මාර්ගය භාවිත කරන්නන්ට, විකල්ප මාර්ග භාවිත කරන ලෙස පොලිසිය දැනුම් දෙනවා.
ප්රදේශයේ එලවලු වගාවන්ද ජලගැලීම් හේතුවෙන් හානියට පත්ව තිබුණා.
මේ අතර, පවතින තත්ත්වය සැලකිල්ලට ගනිමින් මතුරට මන්දාරම්නුවර සහ පදියපැලැල්ල ප්රදේශවල පාසැල් ද අද (30) ක්රියාත්මක කෙරුණේ නැහැ.
හගුරන්කෙත කලාප අධ්යාපන අධ්යක්ෂවරයා පැවසුවේ හෙට (31) දිනයේදී එම පාසල් පවත්වන්නේ ද නැද්ද යන්න පිළිබඳව තීරණය කිරීමේ බලය එම ප්රදේශවල විදුහල්පතිවරුන්ට පවරා ඇති බවයි