උදාවන සිංහල – දෙමළ අලුත් අවුරුද්දටත් මෙරට ලක්ෂ සංඛ්‍යාත ජනතාවක් පෝලිම්වල දුක්විදින අතරතුර අප රටේ ජනතා මුදලින් නඩත්තුවන පාර්ලිමේන්තු මන්ත්‍රීවරුන්ගේ අපූරු ක්‍රියාවක් නුවරඑළිය ප්‍රදේශයෙන් වාර්තා වනවා.
පාර්ලිමේන්තු මන්ත්‍රීවරුන්ට නවාතැන් ගැනීම සඳහා ශ්‍රී ලංකා පාර්ලිමේන්තුව විසින් නුවරඑළියේ පවත්වාගෙන එනු ලබන සෙන්පති නිවස (General’s House) බංගලාව සිංහල – දෙමළ අලුත් අවුරුදු සමය වෙනුවෙන් සම්පූර්ණයෙන්ම වෙන්කරගෙන අවසන්ව ඇති බවට තොරතුරු වාර්තා වනවා.
ඒ අනුව රට අගාධයට ඇද දැමූ මෙරට පාර්ලිමේන්තු නියෝජිතයින් එළැඹෙන උත්සව සමයේ විනෝදයෙන් ගතකිරීමට සියලු කටයුතු සූදානම් කර අවසන්.
පාර්ලිමේන්තු මන්ත්‍රීවරුන්ට සියලු පහසුකම් සහිත මෙම General’House බංගලාවේ කාමර 19 ක් පවතිනවා.
සාමාන්‍ය ක්‍රමවේදයට අනුව මන්ත්‍රීවරයෙකුට එක් වරකදී එහි කාමර තුනක් දින තුනක කාලයක් සඳහා වෙන්කරවා ගැනීමට හැකියාව තිබෙනවා.
පාර්ලිමේන්තුවේ මන්ත්‍රී සේවා අංශය (Member service) විසින් එම බංගලාවෙහි සියලු කටයුතු පවත්වාගෙන යනු ලබනවා.
