ලෝක වෙළඳපොළේ දිගින් දිගටම බොරතෙල් බැරලයේ මිල ඉහළ යාමේ රටාවක් පෙන්නුම් කිරීමට හේතුවක් ලෙස කොවිඩ් වෛරසයට එරෙහි එන්නත් සඳහා ඇති ඉල්ලුම ඉහළ යාම හඳුනා ගත හැකි බව රාජ්‍ය අමාත්‍ය අජිත් නිවාඩ් කබ්රාල් පවසනවා.
ඒ මහතා මේ බව ප්‍රකාශ කර සිටියේ අද දින පැවති මාධ්‍ය හමුවක් අමතමින්.
ලෝක වෙළඳපොළේ ඩොලර් 40ක්ව පැවති බොරතෙල් බැරලයේ මේ වන විට ඩොලර් 70ක් දක්වා ඉහළ ගොස් ඇති බවයි රාජ්‍ය අමාත්‍යවරයා පවසන්නේ.
ඛණිජ තෙල් නීතිගත සංස්ථාවද දිගින් දිගටම පාඩු ලැබූ බවත් මේ වසරේ පමණක් එහි පාඩුව රුපියල් බිලියන 35ක් වූ බවත් රාජ්‍ය අමාත්‍යවරයා පෙන්වා දෙනවා.
වැඩි වූ තෙල් මිල පහළ දැමීමට තීරණයක් නොමැති බවත් ලෝක වෙළඳපොලේ තෙල් මිල අඩු වුවහොත් ඒ පිළිබඳව සලකා බලන බවත් ඒ මහතා පවසනවා.
ලෝක වෙළඳපොලේ බොරතෙල් බැරලයක මිල ඉහළ ගියහොත් නැවත ඉන්ධන මිල වැඩිවීමටද ඉඩ ඇති බවත් එය වළක්වා ගැනීමට ඉන්ධන මිල ස්ථායීකරණ අරමුදලක් පිහිටුවීමට බලාපොරොත්තු වන බවත් රාජ්‍ය අමාත්‍යවරයා පවසනවා.
සබැඳි ලිපි..
