මේ වනවිට කොළඹ නගරයේ ඉන්ධන පෝලිම් අවසන්වෙමින් තිබෙන බව බලශක්ති අමාත්ය ගාමිණී ලොකුගේ මහතා පවසනවා.
පසුගිය දින කිහිපය තුළ ඉන්ධන බෙදාහැරීමේ කටයුතු විධිමත්ව සිදු නොවූ බැවින් පෝලිම් ක්රියාත්මක වූ බවයි ඇමතිවරයා පෙන්වා දෙන්නේ.
කෙසේ නමුත් මේ වනවිට ඛනිජ තෙල් සංස්ථාව සතුව ප්රමාණවත් ඩීසල් හා පෙට්රල් තොග තිබෙන බැවින් තවදුරටත් ජනතාව පෝලිමේ තැබීමට කටයුතු නොකරන බවත් අමාත්යවරයා පවසනවා.
කොළඹ නගරයේ සියලුම ඉන්ධන හල් වෙත ඩීසල් හා ප්රෙටල් තොග ලබාදීම ආරම්භ කර ඇති බවත්, දහවල් වනවිටත් සැලකිය යුතු ඉන්ධන හල් ප්රමාණයක් වෙත ඉන්ධන තොග නිකුත් කර ඇති බවත් ලොකුගේ මහතා සඳහන් කරනවා.
මේ වනවිට තවත් ඩීසල් නෞකාවක් සඳහා මුදල් ගෙවා ඇති අතර එම නෞකාවේ ඩීසල් තොග හෙට දිනයේදී ගොඩබෑම සිදුවන බවත් වැඩිදුරටත් ඔහු පවසනවා.