වැඩි මිලට සහල් විකුණන වෙළඳුන් අත්අඩංගුවට ගැනීම සඳහා පාරිභෝගික සේවා අධිකාරියට රාත්රී කාලයේ වැටලීම් කරන ලෙසට දැනුම් දුන් බව කෘෂිකර්ම සහ පශු සම්පත් නියෝජ්ය අමාත්ය නාමල් කරුණාරත්න මහතා පවසනවා.
කෘෂිකර්ම අමාත්යාංශයේ ඊයේ (27) පැවති මාධ්ය හමුවක් අමතමින් අමාත්යවරයා කියා සිටියේ, පාරිභෝගික සේවා අධිකාරියේ නිලධාරීන් පස්වරු පහෙන් පසු වැටලීම් වලට නොඑන නිසා කූඨ වෙළෙඳුන් සවස පහෙන් පසුව පමණක් සහල් විකුණන බවට ලැබුණු තොරතුරු වලට අනුව මෙම පියවර ගත් බවයි.
නීතිය ඉතා තදින් ක්රියාත්මක කර ගොවියා සහ පාරිභෝගිකයා ආරක්ෂා කරන බවද නියෝජ්ය අමාත්යවරයා සඳහන් කළා.
එමෙන්ම ඉදිරියේදී පාරිභෝගික සේවා අධිකාරියේ වැටලීම් තවත් වේගවත් කරන අතර පාලන මිලෙන් එහාට සහල් විකුණන්න කිසිසේත් ඉඩ දෙන්නේ නැති බවත් සහල් පාලන මිල කිසි ලෙසකින් වැඩි කරන්නේ නැති බවත් නියෝජ්ය අමාත්යවරයා පවසනවා.