ආණ්ඩුක්රම ව්යවවස්ථාවේ ප්රතිපාදන උල්ලංඝනය කළ බවට පාකිස්තාන පාර්ලිමේන්තුවේ කථානායකවරයාට විපක්ෂ නායකයින් වන ෂෙහ්බාස් ෂරීෆ් සහ බිලාවල් භූතෝ-සර්දාරි දැඩි ලෙස දෝෂාරෝපණය කර තිබේ.
අගමැතිට එරෙහිව විශ්වාසභංග යෝජනාවක් ඉදිරිපත් කිරීමේ සැසියක් සඳහා ඉල්ලීමක් ලැබීමෙන් පසු දින 14 ක් ඇතුළත පහළ මන්ත්රණ සභා රැස්වීමක් කැඳවිය යුතු බවට වූ ව්යවස්ථාමය ප්රතිපාදනය උල්ලංඝනය කළ බවට ඔවුන් මෙසේ කතානායකවරයාට චෝදනා නගා ඇත.
ජාතික සභාවේ විපක්ෂ නායකයා කියා සිටියේ කථානායක අසාද් කයිසර්, ඉස්ලාමීය සහයෝගීතා සංවිධානයේ රැස්වීම මුවාවෙන් ආණ්ඩුක්රම ව්යවස්ථාවේ 54 (3) වගන්තිය හිතාමතාම උල්ලංඝණය කර ඇති බවයි.
ව්යවස්ථාපිත කාලසීමාව අවසන් වන තෙක් බලා නොසිට ඔහුට කලින් සැසිය කැඳවිය හැකිව තිබු බව විපක්ෂ නායකයෝ සඳහන් කරති.
මේ අතර පස්කිස්ථාන මහජන පක්ෂයේ සභාපතිවරයා පැවසුවේ වත්මන් ආණ්ඩුව ආණ්ඩුක්රම ව්යවස්ථාව උල්ලංඝණය කරමින් විශ්වාසභංගය මග හැරීමට උත්සාහ කරන බවයි.
මේ අතර, පාර්ලිමේන්තු කටයුතු පිළිබඳ අග්රාමාත්යවරයාගේ උපදේශක ආචාර්ය බබාර් අවන් මාර්තු 25 වැනි දින සැසිවාරය කැඳවීමට කථානායකවරයා ගත් තීරණය ආරක්ෂා කළ අතර එය ආණ්ඩුක්රම ව්යවස්ථාවට අනුකූල බව ඔහු සදහන් කර ඇත.