ගුරු විදුහල්පති විරෝධතාවයට එක්වූ බවට චෝදනා කරමින් අත්තනෝමතික ලෙස අත්අඩංගුවට ගෙන වරාය පොලිසියේ රදවා සිටින ගුරුවරුන් පිළිබඳව සොයා බැලීමට විපක්ෂ නායක සජිත් ප්රේමදාස මහතා අද (05) පෙරවරුවේ එම පරිශ්රයට පැමිණි අතර එහිදී වරාය පොලිසිය විසින් ඊට බාධා පමුණුවනු ලැබූවා.
ජනාධිපති ලේකම් කාර්යාලය අසළ පැවැත්වූ විරෝධතාවයේදී අත්අඩංගුවට ගත් ගුරුවරුන් ඇතුළු 44 දෙනාගේ සුවදුක් විමසීමට විපක්ෂනායක සජිත් ප්රේමදාස මහතා අද පෙරවරුවේ වරාය පොලිසිය වෙත ගිය අතර මෙහිදී විපක්ෂනායකවරයාට එම ඇතුළුවීමට ඉඩ නොදීමත් සමඟ උණුසුම් තත්ත්වයක් හටගත්තා.
මෙහිදී සජිත් ප්රේමදාස මහතා විමසා සිටියේ රටක විපක්ෂනායකවරයාට, පාර්ලිමේන්තු මන්ත්රීවරයෙකුට හෝ නීතිඥවරුන්ට පොලිසියක් තුළට යෑමට අවසර නැත්නම් රටක ඇත්තේ කිනම් ආකාරයක ප්රජාතන්ත්රවාදයක් දැයි යනුවෙනි.
එමෙන්ම, අත්තනෝමතික ලෙස රදවා සිටින ගුරුවරුන් පිළිබඳව සොයා බැලීමේ වගකීම විපක්ෂනායකයා ලෙස තමන්ට ඇති බවත් මේ පිළිබඳව තමන් පාර්ලිමේන්තුවේ වරප්රසාද ප්රශ්නයක් නගන බවත් සජිත් ප්රේමදාස මහතා අවධාරණය කර සිටියා.