තලේබාන් සංවිධානය සිය ජයග්‍රහණයන්ගේ සතුටට අහසට තැබූ වෙඩි ප්‍රහාරවලින් පුද්ගලයන් හැත්තෑදෙනෙකු පමණ මියගොස් ඇතැයි වාර්තා වේ.
පන්ජ්ෂීර් නිම්නය ද සම්පූර්ණයෙන්ම යටත් කරගත් බවට ඉකුත් සිකුරාදා රාත්‍රියේ පළවූ වාර්තාවක් සමග ඇෆ්ගනිස්තානය පුරා විසිරී සිටින තලේබාන් සාමාජිකයන් අහසට වෙඩි තබා ඇත්තේ ජයග්‍රහණය සැමරීම සදහාය.
මෙහිදී විවිධ අවි යොදාගෙන අහසට වෙඩි වරුසා එල්ල කර ඇති අතර ඒවා යළි පොලවට පතිත වීමෙන් මෙම මරණ සිදුව ඇත.
එරට වාර්තා සදහන් කළේ මෙහිදී කාබුල් සහ ජලාල්බාද්හිදී පමණක් පුද්ගලයන් 40 ක් පමණ මියගොස් ඇති බවයි.
මෙම වෙඩි ප්‍රහාර හේතුවෙන් තවත් විශාල පිරිසක් තුවාල ලබා ඇති අතර නිවාස ඇතුළු ගොඩනැගිලි රැසකට හානි සිදුව ඇති බව සදහන් වේ.
