අගමැති ඉම්රාන් ඛාන්ට ඉල්ලා අස්වන ලෙස බලකරමින් පකිස්තානයේ දැවැන්ත උද්ඝෝෂණ ව්‍යාපාරයක් දියත් කර තිබේ.
විදෙස් මාධ්‍ය වාර්තා කළේ අවාමි ජාතික පක්ෂය, ජමිත් උලමා පක්ෂය ඇතුළු විරුද්ධ පක්ෂ රැසක් වෙන් වෙන්ව මෙම උද්ඝෝෂණ සංවිධානය කර ඇති බවයි.
ඉම්රාන් ඛාන් පාලනය යටතේ භාණ්ඩ මිල ඉහළ ගොස් උද්ධමනය වැඩිවී ජනතාව මහත් දුෂ්කරතාවයන්ට මුහුණ දී ඇති බවට එම පක්ෂ චෝදනා කරයි.
විරැකියාව, දූෂණය වැනි ගැටලු හේතුවෙන් ජනතාව මහත් පීඩාවට පත්ව සිටින බවද එම පක්ෂ සදහන් කරයි.
මේ හේතුවෙන් අගමැති ඉම්රාන්ගේ රජය ඉල්ලා අස්විය යුතු බව එම විරුද්ධ පක්ෂ අවධාරණය කර සිටියි.
