පලස්තීන ප්‍රශ්නය සම්බන්ධයෙන් රටේ ස්ථාවරය නොවෙනස්ව පවතින බව ප්‍රකාශ කරමින් කිසිදු නිල පාකිස්ථාන දූත පිරිසක ඊශ්‍රායලයේ සංචාරය කරන බවට වන වාර්තා පාකිස්තාන විදේශ කටයුතු අමාත්‍යාංශය පසුගියදා ප්‍රතික්ෂේප කර තිබේ.
විදේශ කාර්යාල ප්‍රකාශක, මාධ්‍ය ප්‍රශ්නවලට පිළිතුරු දෙමින් කියා සිටියේ අදාළ වාර්තාගත සංචාරය පාකිස්තානය පදනම් කර නොගත් විදේශීය රාජ්‍ය නොවන සංවිධානයක් (NGO) විසින් සංවිධානය කර ඇති බවයි.
පලස්තීන ප්‍රශ්නය සම්බන්ධයෙන් පාකිස්තානයේ ස්ථාවරය එහිදී ඔහු නැවත අවධාරණය කර තිබේ.
දිනකට පෙර පාකිස්ථානු නියෝජිත පිරිසක් ජෙරුසලමේදී ඊශ්‍රායල විදේශ අමාත්‍යාංශ නිලධාරීන් හමුවී ඇති අතර ආණ්ඩුවේ හිටපු ඇමැතිවරයකු ද ඊට ඇතුළත් විය.
පලස්තීන ජනතාවට අහිමි කළ නොහැකි ස්වයං නිර්ණ අයිතියට පකිස්තානය ස්ථීර ලෙස සහාය දෙන බව එම ප්‍රකාශයේ වැඩිදුරටත් සඳහන් වන බව ද නිව්ස් ඉන්ටර්නැෂනල් වාර්තා කරයි.
