පාකිස්තානයේ පවතින දේශපාලන හා ආර්ථික දුෂ්කරතා හේතුවෙන් එරට තුළ ඉන්ධන හිඟයක් මතුවී ඇති අතර ශුද්ධ වූ රාමසාන් මාසය තුළ පවා අඛණ්ඩව පැය ගණනක් විදුලි කප්පාදු සිදු කරමින් ඇති බව වාර්තා වේ.
පාකිස්ථානයේ කරච්චි, ලාහෝර් සහ රාවල්පින්ඩි යන නාගරික ප්රදේශවල පැය 4-10 දක්වා විදුලි කප්පාදුවලට මුහුණ දී සිටින අතර ග්රාමීය ප්රදේශවල පැය 10-12 දක්වා විදුලිය නොමැතිව පීඩා විඳින බව Geo News වාර්තා කර තිබේ.
පාකිස්ථානය මෙගාවොට් 39,000 ක පමණ විදුලිය ධාරිතාවයකින් යුත් බලාගාර කිහිපයක් ස්ථාපිත කර ඇතත් ඒවා ක්රියාත්මකවීමේ දී විවිධ ගැටලු ගණනාවක් පවතින බව එරට මාධ්ය වාර්තා කරයි.
මේ හේතුවෙන් එරට විදුලිබල නිෂ්පාදනය පවතින්නේ මෙගාවොට් 20,000 පමණ සීමාවක බව ද සදහන් වේ.
ජල ප්රවාහයේ වැඩි දියුණුවක් නොමැතිකම හේතුවෙන් ජල විදුලි නිෂ්පාදනය අඩුවීමත්, වර්ෂාපතනයක් නොමැතිකමත් සමඟ විදුලි ඉල්ලුම වැඩිවීමත් නිසා කාර්ය බහුල වේලාවෙන් හි විදුලි ඉල්ලුම මෙගාවොට් 19,000 දක්වා ඉහළ ගොස් ඇති බව ද පැවසේ.