පකිස්තානයේ ක්රියාත්මක අන්තවාදී තහනම් සංවිධානයක් වන තරෙක් ඊ ලබායික් හෙවත් TLP සංවිධානයේ සාමාජිකයන් 350 දෙනෙකු බන්ධනාගාරවලින් නිදහස් කිරීමට එරට රජය තීරණය කර තිබේ.
විදෙස් වාර්තා සදහන් කළේ මෙම සංවිධානයේ තවත් සාමාජිකයන් පිරිසකට එරෙහිව පවරා ඇති නඩු ඉල්ලා අස්කරගැනීමටද පකිස්තාන රජය තීරණය කර ඇති බවයි.
දැනට සිරගත කර සිටින සංවිධානයේ නායකයා වන සාඩ් රිස්වි නිදහස් කිරීමට ද පකිස්තාන රජය කටයුතු සුදානම් කරමින් ඇති බව විදෙස් වාර්තාවල දැක්වේ.
පකිස්තානය තුළ අන්තවාදී අදහස් පැතිරවීම සහ ප්රචණ්ඩකාරී උද්ඝෝෂණවල නිරතවීම සම්බන්ධයෙන් TLP සංවිධානයට චෝදනා එල්ල වී ඇත.