පාකිස්ථානයට රික්ටර් පරිමාණයේ ඒකක 6.8ක ප්‍රබල භූමි කම්පාවක් සිදුව තිබෙනවා.
භූ විද්‍යාඥයෝ පවසන්නේ ඇෆ්ගනිස්තානයේ හින්දු කුෂ් කඳුකරයේ කිලෝමීටර් 180 ක් ගැඹුරින් මෙම භූ කම්පනය සිදුවූ බවයි.
භූමිකම්පාවෙන් පුද්ගලයන් තිදෙනෙක් මියගොස් පුද්ගලයන් 300ක් තුවාල ලබා ඇති බවයි එරට මාධ්‍ය වාර්තා කරන්නේ.
මෙලෙස මරණ වාර්තා වී ඇත්තේ කයිබර් පක්ටුන්ක්වා පළාතෙනි.
මාධ්‍ය වාර්තා සඳහන් කරන්නේ ඉස්ලාමාබාද්, ලාහෝර්, කොහාට් සහ ජිල්ගිට් බලුකිස්තාන පළාත්වලත් භූමි කම්පාවේ බලපෑමට හසුවුණු බවයි.
ඉන්දියාවට, ඇෆ්ගනිස්තානයට පමණක් නොව, මධ්‍යම ආසියානු රටවල් වන කිරිගිස්තානයට, උස්බෙකිස්තානයට, ටජිකිස්තානයට, කසක්ස්තානයට, ටර්ක්මෙනිස්තානයට සහ චීනයට ද භූමි කම්පාවේ ප්‍රබලත්වය දැණුනු බවයි විදෙස් මාධ්‍ය වැඩිදුරටත් සඳහන් වන්නේ.
