ත්රස්තවාදීන්ට අරමුදල් සැපයීම සහ අන්තර්ජාතික මුදල් විශුද්ධිකරණයට අදාළ රටවල් ලැයිස්තුවෙන් පකිස්තාන ඉවත් කීරීම තවදුරටත් කල් ගොස් තිබේ.
ඊට අදාළව පැරිස් නුවර පැවති අන්තර්ජාතික මුදල් කාර්ය සාධක බලකා රැස්වීමක දී තීරණය කර ඇත්තේ මේ පිළිබදව තවදුරටත් සළකා බැලිය යුතු බවයි.
ත්රස්තවාදීන්ට අරමුදල් සම්පාදනය සහ අන්තර්ජාතික මුදල් විශුද්ධිකරණයට අදාළව නීති සකසන ලෙස අන්තර්ජාතික මුදල් කාර්ය සාධක බලකාය ලෝකයේ රටවල් වෙත අවධාරණය කරයි.
මෙහිදී පකිස්තාන ඊට නිසි පරිදි ප්රතිචාර නොදැක්වීමත්, පකිස්තාන තුළ අන්තර්ජාතික ත්රස්තවාදී ක්රියාවලට අදාළ අරමුදල් හුවමාරුවීම් සිදුවන බවට තහවුරු වී තිබීමත් හේතුවෙන් ඔවුන් රදවා ඇත්තේ අවදානම් ලැයිස්තුවේයි.
යම් නෛතික ප්රතිසංස්කරණවලින් අනතුරැව එය ඉවත් කරන ලෙසට පකිස්තානය ඉල්ලීමක් කර ඇතත්, අන්තර්ජාතික මුල්ය කාර්ය සාධක බලකාය සදහන් කර ඇත්තේ ඒ පිළිබද සලකා බැලීම කළ හැක්කේ ලබන වසරේ අප්රේල් මාසයේදී බවයි.