ඩොලර් බිලියන තුනක වියදමින් ඉදිකිරීමට නියමිත පකිස්තාන රුසියා ගෑස් නල ව්යාපෘතියේ ඉදිකිරීම අවිනිශ්චිත තත්වයකට පත්ව තිබේ.
ඒ අදාළ ව්යාපෘතිය පිළිබද වන පිටු 175 ක එකගතා ගිවිසුමට අවසන් එකඟතාවය ලබාගැනීමට දින හතරක් පුරා පැවති සාකච්ඡා අසාර්ථකවීම හේතුවෙනි.
මෙම ව්යාපෘතියේ කොටස් සියයට 74 ක් පකිස්තානයටත් සියයට 26 ක් රුසියාවටත් හිමිවන ලෙස මූලික ගිවිසුම් සකසා තිබිණ.
එහෙත් ඒ පිළිබද අවසන් එකඟතාවයට එලඹීමට දෙපාර්ශවයම තවමත් අසමත් වී ඇති අතර ඒ අනුව මෙි පිළිබද තවත් සාකච්ඡාවක් එලඹෙන නොවැම්බර් මාසයේදී පැවැත්වීමට නියමිතය.
විදෙස් වාර්තා සදහන් කළේ මේ තත්වය තුළ අදාළ ව්යාපෘතියේ ඉදිකිරීම් අවිනිශ්චිත තත්වයකට පත්ව ඇති බවයි.