පාකිස්තානයේ ජල අර්බුදය උග්‍ර වී ඇති අතර අප්‍රේල් පළමු දා සිට ආරම්භ වන මුල් (Kharif) කන්නයේ දී රට 27%ක ජල හිඟයකට මුහුණ පෑමට ඉඩ ඇතැයි එරට නිල මූලාශ්‍ර වාර්තා කර තිබේ.
ඉන්දු ගංගා පද්ධති අධිකාරියේ උපදේශන කමිටුව අනතුු අගවා ඇත්තේ පකිස්තානයේ මුල් කන්නය සඳහා ජලය 20% සිට 27% දක්වා අගයකිනුත්, පසු කන්නය සඳහා එය 8% දක්වාත් පහළ බැසිය හැකි බවටයි.
සාපේක්ෂව මෙම ජල හිඟය සින්ද් සහ පන්ජාබ් ප්‍රාන්ත වෙත දැඩිව බලපානු ඇති බව ද එරට මාධ්‍ය වාර්තාවල සදහන් වේ.
පසුගිය වසර කිහිපය තුළ පකිස්තානයේ ජල අර්බුදය උග්‍ර වූ අතර පාකිස්තානය මේ වන විටත් පානීය ජලය, අධ්‍යාපනය සහ වෛද්‍ය පහසුකම් ඇතුළු මූලික අවශ්‍යතා සමඟ අරගල කරමින් සිටින රටක් බවට පත්ව තිබේ.
