පාකිස්තානය න්යෂ්ටික හැකියාවන්ගෙන් ශක්තිමත් වුවත් 2022 ජනවාරියේ සිට මාස 7ක් තුළ එහි රුපියල සියයට 20කට ආසන්න ප්රමාණයක් අවප්රමාණය වීමත් සමඟ වේගයෙන් අවසන් වන විදේශ මුදල් සංචිත සහ මූල්ය හා ජංගම ගිණුම් හිඟය පුළුල් වීම ආර්ථිකයට දැඩි බලපෑම් එල්ල කර ඇති බව වාර්තා වේ.
පාකිස්තාන රාජ්ය බැංකුවේ සංචිත ඩොලර් බිලියන 9.32 දක්වා පහත වැටී ඇති අතර එය දින 45ක ආනයන සඳහා ගෙවීමට ප්රමාණවත් නොවේ.
පාකිස්තානයේ දේශපාලන අස්ථාවරත්වය ප්රධාන ණය දෙන්නන්ගේ විශ්වාසය නැවත ලබා ගැනීමේ උත්සාහයන් අසාර්ථක වීමේ තර්ජනයට ලක්ව ඇති බව ද පැවසේ.
දශක දෙකකට වැඩි කාලයක් තුළ රටේ මුදල් ඒකකය එහි නරකම ත්ත්වයක් පිළිඹිබු කර ඇති අතර ශ්රී ලංකාව මෙන් විදේශ ණය ආපසු ගෙවීම් පැහැර හරින මීළඟ නැගී එන ආර්ථිකය බවට පාකිස්තානය පත්වීමේ අවදානමක් ඇති බවට ආයෝජකයින් කනස්සල්ල පලකර තිබේ.
මේ අතර ණය පැහැර හැරීම වැළැක්වීම සඳහා වන පියවරක් ලෙස, ෆෙඩරල් කැබිනට් මණ්ඩලය රාජ්ය සම්පත් විකිණීමේ ආඥාපනතක් අනුමත කිරීමට ද පියවර ගෙන ඇත.
කෙසේවෙතත්, ජනාධිපති අරිෆ් අල්වි තවමත් මෙම ආඥාපනතට අත්සන් කර නොමැති බව ද පැවසේ.