පකිස්තානයේ කයිබර්-පක්තුන්ක්වාහි දිස්ත්රික්ක 18 ක මාර්තු 31 වැනි දා පැවැත්වීමට නියමිත පළාත් පාලන මැතිවරණයේ දෙවන අදියර යටතේ මේ වන විට මැතිවරණ චර්යාධර්ම උල්ලංඝනය කිරීම් 1,035 කට අධික සංඛ්යාවක් වාර්තා වී ඇති හෙයින් මැතිවරණයේ දෙවන අදියර කල් දැමීමට පාකිස්තානයේ මැතිවරණ කොමිසම තීරණය කර තිබේ.
පළාත් පාලන මැතිවරණයේ දෙවන අදියරේදී සිදුව ඇති මෙම ක්රියා සම්බන්ධයෙන් එරට මැතිවරණ කොමිසම පුද්ගලයින් 110 කට නොතීසි නිකුත් කර ඇති අතර අපේක්ෂකයින්ට සහ දේශපාලනඥයින්ට අවවාද 26 ක් නිකුත් කර ඇතැයි මාධ්ය වාර්තා පවසයි.
ඒ අතර අග්රාමාත්ය ඉම්රාන් ඛාන්ට මේ වන විට පහළ දිර්, ස්වාත් සහ මලකාන්ඩ් ඇතුළු දිස්ත්රික්ක තුනක දිස්ත්රික් අධීක්ෂණ නිලධාරින් විසින් දඩ නියම කර ඇත.
අග්රාමාත්යවරයාට රුපියල් 150,000 ක දඩයක් නියම කර ඇති අතර එය පළාත් පාලන මැතිවරණයේ දෙවන අදියරේදී ඕනෑම දේශපාලනඥයෙකුට පැනවූ ඉහළම දඩ මුදල වේ.
මැතිවරණ චර්යා ධර්ම උල්ලංඝනය කිරීම් හේතුවෙන් එහි සංවර්ධන ව්යාපෘති 23 ක් නතර කර ඇති අතර දිස්ත්රික්කය තුළ අගමැති ඉම්රාන් ඛාන්ගේ සැලසුම් සහගත සංචාර කිහිපයක් අවලංගු කිරීමට ද කොමිසම කටයුතු කර තිබේ.