පකිස්තානයේ මාධ්‍යවේදීන්ගේ ආරක්ෂාව පිළිබද ගැටලු සාකච්ඡා කිරීම හේතුවෙන් එරට පැරණිතම රූපවාහිනී කාලීන දේශපාලන වැඩසටහන වන කැපිටල් ටෝක්හි නිවේදකයා වන ප්‍රකට මාධ්‍යවේදී හමීඩ් මීර් ඉන් ඉවත් කර තිබේ.
ජියෝ රූපවාහිනී නාලිකාව ඔස්සේ 2002 වර්ෂයේ සිට සතියකට සිව් වතාවක් ඉදිරිපත් කෙරෙන එම වැඩසටහන ලෝකයේම අවධානයට ලක්වූවෙකි.
ඔහුගේ සහෝදර මාධ්‍යවේදියෙකු වන අසාද් අලි වෙත පසුගියදා එල්ල වූ ප්‍රහාරය ඇතුලු පකිස්තාන මාධ්‍යවේදීන්ගේ ආරක්ෂාව පිළිබද හම්ඩ් මීර් විසින් සිය වැඩසටහනේදී දීර්ඝ ලෙස සාකච්ඡා කර තිබේ.
ඒ හේතුයෙන් ඔහුව අදාළ වැඩසටහනින් ඉවත් කිරීමට බලධාරීන් කටයුතු කර ඇති බව ජාත්‍යන්තර මාධ්‍ය වාර්තා කර ඇත.
පකිස්තාන සහ ජාත්‍යන්තර මාධ්‍ය සංවිධාන රැසක් මෙම තීරණය හෙළා දැක ඇති අතර හමීඩ් මීර් ප්‍රකාශ කර ඇත්තේ තමන්ට වැඩසටහන තහනම් වූවද මාධ්‍යවේදීන්ගේ ආරක්ෂාව වෙනුවෙන් පෙනී සිටීම නොනවත්වන බවයි.
මීට පෙර දෙවතාවකදිී හමීඩ් මීර් මෙලෙස තහනමට ලක්ව ඇති අතර පහරදීම් කිහිපයකටද ඝාතන තැතකටද මුහුණ දී ඇත.
