පකිස්තානයේ පෙෂාවොර්හි පාසලකට ප්රහාරයක් එල්ල කොට ළමුන් 132 ක් ඇතුළු 141 දෙනෙකු ඝාතනය කිරීමට අදාළ වැරදිකරුවන්ට සමාව නොදෙන ලෙස බලකිරීමේ විරෝධතා ව්යාපාරයක් දියත්ව තිබේ.
2014 වසරේ, දෙසරම්බර් මාසයේ එල්ල වූ මෙම ප්රහාරය පකිස්තාන් තලේබාන් සංවිධානය විසින් එල්ල කරන ලද්දක් වන අතර ඊට අදාළව එම සංවිධානයට සම්බන්ධ පිරිසක් වෙත චෝදනා එල්ල වී ඇත.
එම ඝාතනයට වගකිවයුතු පිරිසට සමාවක් ප්රදානය කිරීමට සූදානම් බවට පකිස්තාන රජය පසුගියදා නිවේදනය කර තිබිණ.
මීට එරෙහිව ඝාතනයට ලක්වූ සිසුන්ගේ දෙමාපියන් ඇතුළු පිරිසක් පෙෂාවොර් නගරයේදී විරෝධතාවයක් දියත් කර ඇති අතර එහිදී ඔවුන් සදහන් කර ඇත්තේ මේ කුරිරු ඝාතනය පිළිබද තොරතුරු නිසි ලෙස අනාවරණය කර නොගෙන මෙවන් සමාවක් දීම අනුමත කළ නොහැකි බවයි.