මැලේසියාවේ සිට ශ්රී ලංකාවට ආනයනය කර තිබූ ” ඇෆලටොක්සීන් ” නැමැති පිළිකා කාරකය අඩංගු පොල්තෙල් තොගයෙන් එක් කොටසක් අද (12) ප්රතිඅපනයනය කිරීම සඳහා කොළඹ වරායේ SAGT පර්යන්තයේ නවතා ඇති බාබරා නෞකාවට පැටවීම ආරම්භ කෙරුණා.
රේගු මාධ්ය ප්රකාශක, නියෝජ්ය රේගු අධ්යක්ෂ සුදත්ත සිල්වා මහතා කියා සිටියේ, අද (12) උදෑසන 9.30ට පමණ එම කටයුතු ආරම්භ කළ බවය.
එලෙස ප්රතිඅපනයනය කෙරෙන්නේ කටාන රිෆයිනරීස් සමාගමට අයත් පොල්තෙල් අඩංගු බහාලුම් 6කි.
ආනයනික විෂ පොල්තෙල් තොගයෙන් කුඩාම කොටස වන්නේ අද දිනයේ ප්රතිඅපනයනය කෙරෙන මෙම කොටසයි.
එම පොල්තෙල් තොගය අප්රේල් මස 6 වන දින ආනයනයකරුගේ පෞද්ගලික ගුදමේ සිට කොළඹ වරායේ SAGT පර්යන්තය වෙත රේගු නිලධාරීන්ගේ අධීක්ෂණය යටතේ රැගෙන විත් තිබුණා.