පාර්ලිමේන්තු මන්ත්රී ජොන්ස්ටන් ප්රනාන්දුට අයත් ව්යාපාරික ආයතනයක දේපල සොරා ගැනීමේ සිද්ධියක් සම්බන්ධයෙන් පුද්ගලයෙකු මාවතගම ප්රදේශයේදී අත්අඩංගුවට ගෙන තිබෙනවා.
පොලිසිය සඳහන් කරන්නේ සැකකරු පසුගිය මැයි මස 9 වනදා එම ආයතනය බිඳ රුපියල් විසි හතර ලක්ෂයට අධික වටිනාකමකින් යුත් දේපල සොරකම් කර ඇති බවයි.
මේ අතර පාර්ලිමේන්තු මන්ත්රී ප්රේමනාත් සී. දොලවත්තගේ නිවසට සහ දේපලවලට පහරදීමේ සිද්ධියට 33 හැවිරිදි කඩුවෙල ප්රදේශයේ පදිංචි පුද්ගලයෙකුද අත්අඩංගුවට ගෙන තිබෙනවා.
එමෙන්ම පසුගිය මැයි මස 09 වනදා පාර්ලිමේන්තු මන්ත්රී යූ.කේ. සුමිත් උඩුකුඹුරගේ නිවසට සහ දේපලවලට ගිනි තබා අනර්ථයක් සිදු කිරීමේ චෝදනාවට සම්බන්ධ පුද්ගලයකුද අත්අඩංගුවට ගෙන තිබෙනවා.
මොහු 22 හැවිරිදි පන්ලියද්ද ප්රදේශයේ පදිංචිකරුවෙක්.
මේ අතර මැයි මස 9 වනදා කල්පිටිය ප්රාදේශීය සභාවට අයත් කැබ් රථයකට පහර දී අලාභහානි සිදු කර එහි ගමන්ගත් ප්රාදේශීය සභාවේ සභාපති ඇතුළු 3 දෙනෙකුට පහරදීමේ සිද්ධියට 50 හැවිරිදි පුද්ගලයෙකු හලාවත ප්රදේශයේ දී අත්අඩංගුවට ගෙන තිබෙනවා.