27 C
Colombo
Wednesday, May 18, 2022

ජනතාව මානසිකව වැටෙන්නේ පෝළිම් TV එකේ පෙන්නුවාමයි..! – කෙහෙළිය

- Advertisement -

ජනමාධ්‍ය මගින් පෙන්වන ඇතැම් දේ ජාත්‍යන්තරය කරා යන බවත්, ඒ හරහා රටේ ප්‍රශ්නවලට ජාත්‍යන්තර මාධ්‍ය තුළද වැඩි ඉඩක් හිමිවන බවත් සෞඛ්‍ය අමාත්‍ය කෙහෙළිය රඹුක්වැල්ල මහතා පවසනවා.

ඒ, මහනුවර ගලගෙදර ප්‍රදේශයේ පැවති රැස්වීමකට සහභාගිවෙමින්.

මෙම තත්වය රටට අහිතකර ලෙස බලපානු ඇති බවයි ඇමතිවරයා පෙන්වා දෙන්නේ.

රටේ ප්‍රශ්න ජාත්‍යන්තර මාධ්‍ය මගින් ප්‍රචාරය කිරීම හේතුවෙන් රටට හිමිවන සීමිත ආයෝජන පවා අහිමිව යා හැකි බවත් අමාත්‍යවරයා අවධාරණය කරනවා.

කොවිඩ් වසංගත තත්වය හේතුවෙන් ලෝකයේ බොහෝ රටවල් බරපතල අර්බුදයට ගොස් ඇති බවත්, එය ශ්‍රී ලංකාවට පමණක් අදාල නොවන තත්වයක් බවත් රඹුක්වැල්ල මහතා සඳහන් කරයි.

දිනපතා පෝලිම්වල රස්තියාදුවෙමින් දැඩිලෙස පීඩාවට පත්ව සිටින ජනතාවගේ එම පීඩනය තවදුරටත් වැඩි කරන්නේ ජනමාධ්‍ය ආයතන බවද සෞඛ්‍ය අමාත්‍යවරයා ප්‍රකාශ කරයි. ඉන්ධන පෝලිම්වල, ගෑස් පෝලිම්වල සිටින ජනතාව පිළිබඳව විටින් විට වාර්තා කිරීම හරහා ජනතාවගේ පීඩනය තවදුරටත් ඉහළ යන බව පෙන්වා දෙන ඇමතිවරයා ජනමාධ්‍ය ආයතනවලින් ඉල්ලා සිටින්නේ ජනතාව පෝලිම්වල සිටින දර්ශන නැවත නැවත ප්‍රචාරය නොකරන ලෙසයි.

දැඩි පීඩාවට පත්ව සිටින ජනතාව තව තවත් ආතතියට පත් නොකරන්නැයි ඔහු ඉල්ලා සිනවා.

පවත්නා අර්බුද ආණ්ඩු මාරුවක් හෝ ඔලුගෙඩි මාරුවක් තුළින් විසඳා ගත නොහැකි බවත්, ජනාධිපති ගෝඨාභය රාජපක්ෂ මහතා විසින් සර්ව පාක්ෂික සමුළුවක් කැඳවූයේ අර්බුදයට විසඳුම් සෙවීමට බවත් රඹුක්වැල්ල මහතා සඳහන් කරයි. පවතින තත්වය තේරුම් ගෙන ඊට සහභාගි වී තම යෝජනා ඉදිරිපත් කිරීමට පක්ෂ කිහිපයක් හෝ තීරණය කිරීම ඉතා හොඳ ප්‍රවණතාවයක් ලෙස හඳුන්වන ඇමතිවරයා පවසන්නේ අර්බුදය වාසියක් කරගෙන ආණ්ඩු බලය ලබා ගැනීමට බලාපොරොත්තුවෙන් සිටින පාර්ශ්ව සර්ව පාක්ෂික සමුළුව වර්ජනය කළ බවයි.

RECENT ARTICLES - SINHALA

අරගල බිමේ තරුණයෝ ඉල්ලන්නේ මේක නෙවෙයි..!

රටම බලාගෙන සිටින්නේ නියෝජ්‍ය කතානායකවරයා කවුරුන්ද යන්න සම්බන්ධව නොව මේ රටේ ගැටළු වලට පාර්ලිමේන්තුව ලබා දෙන උත්තර කුමක්දැයි යන්න සම්බන්ධව බව සමගි...

අද පෙට්‍රල් පෝලිම්වල ඉන්න එපා..! – Ceypetco

අද (18) දිනයේදී පෙට්‍රල් මිලදී ගැනීම සඳහා ඉන්ධන පිරවුම්හල් අසල පෝලිම්වල නොසිටින ලෙස ලංකා ඛනිජ තෙල් සංස්ථාව ජනතාවට දැනුම් දෙනවා.

අද පාර්ලිමේන්තු කැන්ටිමේ කන්න තිබුණේ බතලයි, රතු අලයි – පොහොට්ටු මන්ත්‍රී

පාර්ලිමේන්තු ආපන ශාලාව තුළ පාර්ලිමේන්තු මන්ත්‍රීවරුන්ගේ ආහාරය සඳහා අද සූදානම් කර තිබුණේ බතල, රතු අල වැනි ආහාර වර්ග බව ශ්‍රී ලංකා පොදුජන...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...