සහල් මිලදී ගැනීමට කඩේ යන ජනතාව ජනපතිවරයාට සහ රජයට බණින බව අමාත්‍ය බන්දුල ගුනවර්ධන මහතා පවසනවා.
ඒ, පෙරේදා (11) දින මොණරාගල නව සතොස මෙගා ශාඛාවේ මෙහෙයුම් කටයුතු ආරම්භ කිරීමේ උත්සවයට සහභාගී වෙමින්.
එබැවින් මෙරට ජනතාවගේ ප්‍රධාන ආහාරයේ මිල මෙලෙසින් ඉහල නැංවීමට ඉඩ දිය නොහැකි බවයි අමාත්‍යවරයා පවසන්නේ.
මෙහිදී වැඩිදුරටත් අදහස් දැක්වූ අමාත්‍යවරයා.
“හැම මනුස්සයෙක්ම කඩේට ගිහිල්ලා ජනාධිපතිතුමාට ආණ්ඩුවට බනිනවා. රටට අවශ්‍ය සහල් ප්‍රමාණය නිෂ්පාදනය කරලා අතිරික්තවල් ගොඩගහගෙන ඉඳලා සාමාන්‍ය මනුස්සයාගේ ප්‍රධාන ආහාරයේ මිල මෙලෙසින් ඉහළ නංවන්න තවදුරටත් ඉඩදෙන්න බෑ.
ඒනිසා අතිගරු ජනාධිපතිතුමාත් අග්‍රාමාත්‍යතුමාත් කෘෂිකර්ම ඇමතිතුමාත් අපිත් එකතුවෙලා ලබන කන්නයේ මේ අවශ්‍ය නීති රීති වෙනස් කරගත්තායින් පස්සේ අපි නාඩු සහ කැකුළු සහල් අවුරුදු තුනක් කාල පරිච්ඡේදය පුරාවටම රුපියල් 100ට වඩා අඩුවෙන් ලබාදීමේ වගකීම ඉෂ්ඨ කරනවායි කියන එක මං මේ අවස්ථාවේදී ප්‍රකාශ කරනවා. කවුරුහරි කෙනෙක් තමන් ලාබ ලැබීමේ අරමුණ ඇතුව මේ අමාරු අවස්ථාවේ වී තොග රැස් කරලා ලාබ ලබන්න හිතාන ඉන්නවා නම් ඒ අදහස අත්හරින්න”
