කොවිඩ් පැතිරීම බරපතලම තත්ත්වයක පවතින මෙම කාලයේ දුම්රියෙහි ගමන් ගන්නා මගීන් හට දක්වන අඩු අවධානය හේතුවෙන් දුම්රිය මගීන් දැඩිලෙස අසරණව පවතින බවට ඔවුන් චෝදනා කරනවා.
පොලීසිය හා අනෙකුත් සෞඛ්‍ය අංශ මහමඟ ගමන්ගන්නා රථවාහනවල සෞඛ්‍ය පමණක් සොයා බලන තත්ත්වය හමුවේ දිනපතා දුම්රියේ ගමන්ගන්නා කාර්යාල සේවකයින් දැඩි සෞඛ්‍ය අවදානමක පසුවන බවයි ඔවුන් සඳහන් කරන්නේ.
සෞඛ්‍ය අමාත්‍යාංශය විසින් අද (12) දිනයේ නිකුත් කරන ලද නව සෞඛ්‍ය මාර්ගෝපදේශවලට අනුව කාර් හා ත්‍රීරෝද රථවල දෙදෙනෙකුට පමණක් ගමන් කල හැකි බව සදහන් කෙරුණා.
එමෙන්ම දුම්රියේ ආසන ධාරිතාවයට පමණක් මගීන් ප්‍රවාහනය කල යුතු යැයි සඳහන් වුණා.
කෙසේ වෙතත් අද පස්වරුවේ ධාවනය වූ කාර්යාල දුම්රියන් කිහිපයකම මඟීන් පිරී ඉතිරී යන ආකාරයක් දක්නට ලැබුණු බව අප වාර්තාකරුවන් සඳහන් කළා.
මගීන්ද පැවසුවේ දුම්රිය ධාවනයන් සීමා කිරීම හේතුවෙන් මෙම තත්ත්වය උද්ගතව ඇති බවයි.
