මුදල් අමාත්ය බැසිල් රාජපක්ෂ මහතා මෙවර අයවැයෙන් ජනතාවගේ ශක්තිය උරා ගැනීමට අපේක්ෂා කරන බව පොදුජන පෙරමුණු පාර්ලිමේන්තු මන්ත්රී කේ.පී.එෆ්. කුමාරසිරි මහතා පවසනවා.
බැසිල් රාජපක්ෂ මහතා ජනතාවගෙන් ලබා ගන්නා බවට පැවසූ දෙය එය බව වටහා ගත යුතුව ඇති බවයි ඔහු පෙන්වා දෙන්නේ.
ඒ, අද (10) දින මාධ්ය අමතමින්.
එමෙන්ම, මුදල් අමාත්යවරයා ලෙසට බැසිල් රාජපක්ෂ මහතා ඉදිරිපත් කළ අයවැය ශ්රී ලාංකීය ඉතිහාසයේ අපහසුම අයවැයක් බවත් එය මෙරට ජනතාව හොඳින් තේරුම ගත යුතුව ඇති බවත් ඔහු පෙන්වා දෙනවා.
මෙහිදී වැඩිදුරටත් අදහස් දැක්වූ මන්ත්රීවරයා,
“ගෝලීය වසංගතයක් එක්ක ලෝකෙම විනාශ වෙච්ච අවස්ථාවක් මේක. මේ වෙනකොට උතුරු කොරියානු ජනාධිපති කියනවා ආහාර හිඟයක් එනවා ඒක පාලනය කරන්න ඕනෙ කියලා. චීනේ ගල් අඟුරු බලාගාර වල ප්රශ්නයක්, චීනෙ විදුලිය නෑ. එංගලන්තෙ තෙල් පෝලිම්. ඒ නිසා ජනතාවගේ ශක්තිය උරාගන්න අයවැයක් තමයි මේ අයවැයෙන් අපි බලාපොරොත්තු වෙන්නේ.”