ත්‍රිකුණාමළය ප්‍රදේශයේ අයිස් මත්ද්‍රව්‍ය ජාවාරමේ නිරත වී සිටි පොලිස් කොස්තාපල්වරයෙකුට එම මත්ද්‍රව්‍ය සැපයූ පුද්ගලයා අත්අඩංගුවට ගෙන තිබෙනවා.
සිය පවුල සමග තායිලන්තයේ සවාරියක් ගොස් මෙරටට පැමිණෙමින් සිටියදී කටුනායක ගුවන් තොටුපොළ පැමිණීමේ පර්යන්තයේ දී පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් ඊයේ (18) ඔහු අත් අඩංගුවට ගෙන ඇති බවයි වාර්තා වෙන්නේ.
මෙසේ අත්අඩංගුවට පත්ව ඇත්තේ කොළඹ – 08 බොරැල්ල ප්‍රදේශයේ පදිංචි 44 හැවිරිදි පුද්ගලයෙක්.
පොලිසිය පවසන්නේ, සිය පවුලේ සාමාජිකයන් පිරිස සමග තායිලන්තයේ සංචාරය නිමා කර බැංකොක් නුවර සිට ශ්‍රී ලන්කන් ගුවන් සේවයේ යූ.එල්.- 405 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටියදී මෙම පුද්ගලයා අත් අඩංගුවට ගත් බවයි.
මේ පිළිබඳ වැඩිදුර විමර්ශන කටයුතු කොළඹ පොලිස් මත්ද්‍රව්‍ය නාශක අංශයේ මූලස්ථානය වෙත භාරදී ඇති බවද වාර්තා වෙනවා. .
