කොව්ඩ් මර්දන ෆයිසර් එන්නත් හම්බන්තොටට ලබාදුන්නේ හම්බන්තොට වරායක් තිබීම නිසාම නොවන බව සෞඛ්‍ය සේවා නියෝජ්‍ය අධ්‍යක්ෂ ජනරාල් වෛද්‍ය හේමන්ත හේරත් මහතා පවසනවා.
අද (08) දින මාධ්‍ය අමතමින් ඒ මහතා ප්‍රකාශ කර සිටියේ මෙවැනි තීරණ ගැනීමේදී විවිධ සාධක බලපෑ හැකි නමුත් එම හේතුව මතම තීරණ ගැනීමක් සිදු නොවන බවයි.
මෙරටට ලද පළමු ෆයිසර් එන්නත් තොගය ලබා දුන්නේ මන්නාරමේ ධීවර ජනතාවට බවත් යාපනයේ ධීවර ජනතාවට එය නොදී මන්නාරමට දුන්නේ ධීවර ජනතාවගේ සංඛ්‍යාව වැනි කරුණු රැසක් සැලකීමෙන් අනතුරුව බවත් ඔහු පෙන්වා දෙනවා.
හම්බන්තොට මෙන්ම කොළඹද වරායක් ඇති බැවින් හම්බන්තොටටට ෆයිසර් එන්නත් ලබාදීමේදී වරායක් පැවතීමම හේතුවක් නොවූ බවයි ඔහු අවධාරණය කර සිටින්නේ.
