ෆයිසර් එන්නතේ ක්‍රියාකාරීත්වය පිළිබඳව බරපතල ගැටලු මතුව ඇති බව ලංකා සමසමාජ පක්ෂයේ නායක, පාර්ලිමේන්තු මන්ත්‍රී, මහාචාර්ය තිස්ස විතාරණ මහතා පවසනවා.
ඒ, අයවැය විවාදයට සහභාගිවෙමින්.
ෆයිසර් එන්නත භාවිතා කළ පුද්ගලයන්ට හානිකර තත්වයන් ඇතිවීමේ අවදානමක් මතුව ඇති බව, මෑතකදී සිදුකළ පරීක්ෂණවලදී එන්නතේ ක්‍රියාකාරීත්වය පිළිබඳව ගැටලු කිහිපයක් හඳුනාගෙන ඇති බවත් තිස්ස විතාරණ මහතා පවසනවා.
මේ නිසා ෆයිසර් එන්නත මෙරටට ගෙන්වීම හැකිතරම් සීමා කරන ලෙස ඔහු සෞඛ්‍ය අමාත්‍යංශයෙන් ඉල්ලා සිටිනවා.
මේ වනවිට පූර්ණ එන්නත්කරණයට ලක්ව සිටින පුද්ගලයන්ට බූස්ටර් මාත්‍රාව ලබාදීම ආරම්භ කර ඇති අතර ඒ සඳහා භාවිතා කරන්නේ ෆයිසර් එන්නතයි. මීට අමතරව පාසල් සිසුන් සඳහාද ෆයිසර් එන්නත් ලබාදෙමින් තිබේ.
