මාතර දිස්ත්‍රිකක්කය තුලත් ෆයිසර් එන්නත ලබාදීම අද (08) සිට ආරම්භ කර තිබෙනවා.
ඒ, වයස අවුරුදු 20ත් 29ත් අතර පිරිස් සඳහා‍යි.
වෙහෙරහේන රජමහා විහාරය, මහින්ද රාජපක්ෂ විද්‍යාලය, මාතර රාහුල විද්‍යාලය, කනත්තගොඩ වනිගසේකර කණිෂ්ඨ විද්‍යාලය යන ස්ථානවලදී යුද හමුදාවේ වෛද්‍ය බලකාය විසින් එන්නත ලබාදෙන බවත් එළඹෙන 12 වනදා දක්වා මෙම එන්නත්කරණ ක්‍රියාවලිය සිදුවන බවත් පැවසේ.
වසංගත රෝග විද්‍යා අංශයේ වාර්තාවලට අනුව මේ වනවිට එක් එන්නත් මාත්‍රාවක් හෝ ලබාගෙන ඇති පුද්ගලයින් ගණන 12,952,755 ක් වන අතර මාත්‍රා දෙකම ලබාගෙන ඇති පුද්ගලයින් සංඛ්‍යාව 9,714,857ක් දක්වා ඉහළගොස් තිබේ
මේ අතර, ඊයේ (07) දිනය තුළ කොවිඩ් ආසාදිතයින් 2,964 ක් වාර්තා වූ අතර ඒ අනුව මේ දක්වා මෙරටින් වාර්තා වූ සමස්ත ආසාදිතයින් ගණන 471,863ක් දක්වා ඉහළ ගියා.
