සදාචාර විරෝධී වීඩියෝ පය විකාශනය කරන බැවින් ටික්ටොක් සමාජ ජාලය තහනම් කරන්නැයි පකිස්තානයේ පෙෂාවෝර් මහාධිකරණය නියෝග කර තිබේ.
අධිකරණය නියෝගයට අනුව පකිස්තාන විදුලි සංදේශ අධිකාරිය විසින් ටික්ටොක් ජාලය තහනම් කිරීමට කටයුතු කළ යුතුවේ.
චීනය මුල් කරගත් ටික්ටොක් සමාජ ජාලය විසින් පකිස්තාන සංස්කෘතියට එරෙහි වීඩියෝ පට විකාශනය කරන බවට ලද පැමිණිලි විභාග කිරීමෙන් අනතුරැව මෙම අධිකරණ නියෝගය පනවා ඇත.
මේ සම්බන්ධයෙන් පකිස්තාන විදුලි සංදේශ අධිකාරිය විසින් ටික්ටොක් ජාලයෙන් විමසීමක් කළත් ඔවුන් ඊට කිසිදු ප්රතිචාරයක් දක්වා නැතැයිද පකිස්තාන මාධ්ය වාර්තාවල දැක්වේ.