මෙරට ජනාධිපති ගෝඨාභය රාජපක්ෂ මහතා විසින් සිදුකළ ආරාධනයකට අනුව පිලපීන ජනපති රොඩ්රිගෝ ඩුටර්ටේ මහතා විසින් මෙරට සංචාරයක නිරත වනු ඇති බව වාර්තා වනවා.
පිලිපීනය සහ ශ්‍රී ලංකාව අතර වසර 60 ක රාජ්‍යතාන්ත්‍රික සබඳතා සමරමින් දෙරටේ ජනපතිවරුන් අතර සිදුවූ දුරකථන සංවාදයකදී මේ ආරාධනය සිදුකොට ඇති බවයි පැවසෙන්නේ.
පසුගිය වසරේ ශ්‍රී ලංකාවේ නැගෙනහිර වෙරළේ ගිණිගත් එම්ටී නිව් ඩයමන්ඩ් නම් තෙල් නෞකාවේ සිටි පිලිපීන නාවිකයින් ආරක්ෂිතව ආපසු පැමිණීම සහතික කිරීම පිළිබඳව පිලිපීන ජනපති මෙහිදී ශ්‍රී ලංකා රජයට ස්තූතිය පුද කළේය.
ශ්‍රී ලංකා නාවික හමුදාව නෞකාවේ කාර්ය මණ්ඩල සාමාජිකයින් 22 දෙනා බේරා ගත් අතර ඔවුන්ගෙන් 17 දෙනෙක් පිලිපීන ජාතිකයන් වේ. 2020 සැප්තැම්බර් 26 සහ 2020 ඔක්තෝබර් 26 යන දිනවල ඔවුන් නැවත මෙරටට ගෙන්වා ගන්නා තෙක් ඔවුන්ට ශ්‍රී ලංකාවේ නවාතැන් ගෙන තිබුණි.
එක්සත් ජාතීන්ගේ මානව හිමිකම් කවුන්සිලය ඇතුළු ස්ථානවලදී පිලිපීනය විසින් ශ්‍රී ලංකාව සමඟ සහයෝගීව කටයුතු කිරීම ගෝඨාභය රාජපක්ෂ මහතාගේ පැසසුමට ලක් විය.
