රිමාන්ඩ් බන්ධනාගාර ගතව සිටින ටීඑම්වීපී නායක පාර්ලිමේන්තු මන්ත්‍රී සිවනේසතුරෙයි චන්ද්‍රකාන්තන් ( පිල්ලයාන්) ආගමික උත්සවයක් සඳහා සහභාගි වීමටද බන්ධනාගාර දෙපාර්තමේන්තුවේ අවසර ලබා දී ඇත.
මඩකලපුව ප්‍රදේශයේ පැවැති හින්දු ආගමික උත්සවයකට නොවැම්බර් 11 වන දින අදාල පාර්ලිමේන්තු මන්ත්‍රිවරයා පැමිණ ඇත.
තවද නොවැම්බර් 10 දින මඩකළපුව දිස්ත්‍රික් සංවර්ධන කමිටු රැස්වීම සඳහාද ඔහු සහභාගි වී ඇති අතර එම රැස්වීමට සහභාගිවීමටද ඔහුට බන්ධනාගාර දෙපාර්තමේන්තුවේ විශේෂ අවසරයක් ලබා දී ඇත.
රිමාන්ඩ් බන්ධනාගාර ගතව සිටියදී ඔහු පසුගිය මහ මැතිවරණයේදී මඩකළපුව දිස්ත්‍රික්කයට තරග කළ අතර පාර්ලිමේන්තුවට තේරී පත්වීමට සමත් විය. ඉන්පසු ඔහුට පාර්ලිමේන්තු රැස්වීම් සඳහා සහභාගි වීමට අවසරය හිමිව ඇත.
අගමැතිවරයා විසින් පාර්ලිමේන්තු මන්ත්‍රී ශිවනේසතුරෙයි මහතාව මඩකලපුව දිස්ත්‍රික් සම්බන්ධීකරණ කමිටුවේ සම සභාපතිවරයා ලෙස අගෝස්තු 22 වන දින පත් කර තිබුණි.
