අඩු ආදායම්ලාභී පවුල් 100ක් සඳහා පානීය නල ජල පහසුකම් ලබා දීම අග්රාමාත්ය මහින්ද රාජපක්ෂ මහතාගේ මූලිකත්වයෙන් ඊයේ (19) දින පස්වරුවේ අනුරාධපුරයේදී සිදුවිය.
අනුරාධපුර මිරිසවැටිය රජ මහ විහාරස්ථානයේ දී සංකේතාත්මකව පවුල් 5ක් සඳහා එම අයිතිය ප්රදානය කිරීමේ උත්සවය පැවති අතර සිය හැත්තෑ හයවන ජන්ම දිනයට සමගාමීව පුද්ගලික ධනයෙන් අග්රාමාත්යවරයා විසින් මෙම පරිත්යාගය සිදුකළ බවයි පැවසෙන්නේ.
රජරට විශ්වවිද්යාලයේ කුලපති,මිරිසවැටිය චෛත්යාරාමාධිකාරී පූජ්ය ඊතල් වැටුණු වැවේ ඥානතිලක නා හිමි, මහාචාර්ය ඉඳුරාගාරේ ධම්මරතන හිමි, ගංගාරාම විහාරාධිකාරී ආචාර්ය කිරින්දේ අස්සජි හිමි, ආචාර්ය අග්රහැර කස්සප හිමි ඇතුළු මහා සංඝරත්නය මීට වැඩම කරන ලදි.
කථානායක මහින්ද යාපා අබේවර්ධන, අමාත්ය වාසුදේව නානායක්කාර, බුද්ධ ශාසන ආගමික හා සංස්කෘතික කටයුතු අමාත්යාංශ ලේකම් මහාචාර්ය කපිල ගුණවර්ධන, මහාභාරකාර තැන්පත් නීතිඥ ගනේශ් ධර්මවර්ධන, බෞද්ධ කටයුතු කොමසාරිස් ජනරාල් සුනන්ද කාරියප්පෙරුම, පොල් සංවර්ධන මණ්ඩලයේ සභාපති කීර්ති ශ්රී වීරසිංහ යන මහත්වරු ඇතුළු පිරිසක් මෙම අවස්ථාවට එක්ව සිටියහ.