කොවිඩ් 19 වෛරසයෙන් මියයන පුද්ගලයින්ගේ මෘත ශරීර භූමදානය කළ හැකිදැයි සොයා බැලීම සඳහා අග්රාමාත්ය මහින්ද රාජපක්ෂ මහතා සහ සෞඛ්ය ප්රධානීන් අතර විශේෂ සාකච්ඡාවක් දෙසැම්බර් 10 වන දින පවත්වා තිබේ.
මෙහිදී අදහස් දක්වා ඇති අග්රාමාත්යවරයා කොවිඩ් වෛරසය ආසාදනය වී මිය යන පුද්ගලයින්ගේ දේහයන් භූමදානය කිරීම සඳහා විශේෂඥයින්ගේ උපදෙස් අනුව භූගත ජල මට්ටම ඉතා ගැඹුරු වියළි භූමියක් තෝරා ගන්නා ලෙස එහිදී උපදෙස් ලබා දී තිබේ.
කෙසේ වෙතත් ඔහු එහිදී අදහස් දක්වමින් පවසා ඇත්තේ සෞඛ්යයට බලපාන කරුණු හේතුවෙන් ජාතීන් හා ආගම් වශයෙන් තීන්දු තීරණ ගැනීමට නොහැකි බවත් සෞඛ්ය මාර්ගෝපදේශ පිළිපැදීමට සියලු ජනවර්ගවල ජනතාවගේ සහයෝගය අත්යාවශ්ය බවත් පවසා ඇත.
අදාල සාකච්ඡාවට අමාත්යවරුන් සහ රාජ්ය අමාත්යවරුන් සහ මුස්ලිම් මන්ත්රීවරුන් පිරිසක් ද එක්ව ඇත.
කෙසේවෙතත් දැනට මෙම වෛරසයෙන් මියයන පුද්ගලයෙකුගේ දේහයන් තුළ මෙම වෛරසය දින 36ක පමණ කාලයක් පවතින බව සඳහන් කර ඇති අග්රාමාත්යවරයා සෞඛ්ය මාර්ගෝපදේශ පිළිපැදීමට සහය ලබාදෙන ලෙසත් පවසා ඇත.