වාර්ගිකත්වය පදනම් කරගෙන ප්රචණ්ඩ ක්රියා සිදුකරන අයට එරෙහිව ඔවුන්ගේ ආගම, තරාතිරම නොබලා නීතිය ක්රියාත්මක කර දඩුවම් පමුණුවන බව බංගලිදේශ අගමැති ෂීක් හසීනා පවසයි.
නනූර්ඩිගි, කුමිලා ප්රදේශයේ හින්දු කෝවිල් සහ දුර්ග පූජා අවස්ථා කිහිපයකට ප්රහාර එල්ලවීම සම්බන්ධයෙන් අදහස් පළකරමින් ඇය මේ බව සදහන් කර තිබිණ.
ඩකා හි පැවැති දුර්ග පූජා උත්සවයකට එක්වෙමින් ෂීක් හසීනා අගමැතිනිය වැඩිදුරටත් සදහන් කර තිබුණේ අදාළ ප්රචණ්ඩ ක්රියාවලට සම්බන්ධ තැනැත්තන් හදුනාගෙන අත්අඩංගුවට ගැනීම සදහා දැනටමත් පුලුල් පරීක්ෂණ සිදුකරන බවයි.
කුමිලා ප්රදේශයේ හින්දු දුර්ග පූජා උත්සව අවස්ථාවක දී කුරාණයට අපහාස කළ බවට පැතිර ගිය පුවතක් පදනම් කරගෙන එහි හින්දු කෝවිල් සහ දුර්ග පූජා අවස්ථාවන් වෙත ප්රහාරයක් එල්ල වී තිබිණ.