අග්‍රාමාත්‍ය මහින්ද රාජපක්ෂ මහතා හෙට(12) ඉතාලියේ බොලොඤ්ඤා විශ්වවිද්‍යාලයේ පැවැත්වෙන අන්තර්ජාතික සමුළුවට සහභාගි වීමට නියමිත බව වාර්තා වනවා.
ඒ, එම සමුළුවේ ආරම්භක සැසියේ ප්‍රධාන දේශනය පැවැත්වීම සඳහායි.
මීට අමතරව රාජතාන්ත්‍රික හමුවීම් කිහිපයකටම අග්‍රාමාත්‍යවරයා ඇතුළු දූත පිරිස සහභාගීවීමට නියමිතයි.
අග්‍රාමාත්‍ය මහින්ද රාජපක්ෂ මහතා ඉතාලි සංචාරයක් අරඹමින් ඊයේ(10) දින ඉතාලිය බලා පිටත්ව ගිය අතර විදේශ කටයුතු අමාත්‍ය මහාචාර්ය ජී.එල්. පීරිස්, අග්‍රාමාත්‍ය ලේකම් ගාමිණී සෙනරත් යන මහත්වරු ඇතුළු දූත පිරිසක් මෙම සංචාරයට එක්ව සිටියි.
කෙසේ වෙතත් පසුගියදා ප්‍රවෘත්ති සාකච්ඡාවක් පවත්වමින් මැල්කම් කාදිනල් රංජිත් හිමිපාණන් ප්‍රකාශ කර සිටියේ අග්‍රාමාත්‍යවරයාගේ මෙම ඉතාලි සංචාරය දැඩිව හෙළා දකින බවයි.
මෙම සංචාරය මගින් අග්‍රාමාත්‍යවරයා ඇතුළු දූත පිරිස පාස්කු ප්‍රහාරය පිළිබදව ජාත්‍යන්තරය හමුවේ වැරදි අවබෝධයක් ඇතිකිරීමට උත්සහ කරන බවට කාදිනල්තුමා චෝදනා කර සිටියා.
