අග්රාමාත්ය මහින්ද රාජපක්ෂගේ වෛද්ය උපදේශක වෛද්ය එලියන්ත වයිට් මහතාට සහ ඔහුගේ පවුලේ සාමාජිකයින් හට කොවිඩ් -19 වෛරසය ආසාදනය වී ඇති බවට හදුනාගෙන තිබෙනවා.
ඒ අනුව මීට දින කිහිපයකට පෙර ඒලියන්ත වයිට් මහතා කොළඹ නවලෝක රෝහලට ඇතුළත් කර ඇති අතර ඔහු මේ වන විට එම රෝහලේ නේවාසිකව ප්රතිකාර ලබමින් සිටිනවා.
ඒලියන්ත වයිට් මහතා අවස්ථා කිහිපයකදීම සඳහන් කළේ කොවිඩ් වසංගත තත්ත්වය පාලනය කිරීම සඳහා තමන් හට කුණ්ඩලීනි ශක්තිය ඇති බවයි.
ඔහු ඉන්දියාවේ කොවිඩ් 19 ව්යාප්තිය පාලනය කිරීම සදහාද සම්බන්ධ වූ බවට මෑතකදී මාධ්ය වාර්තා කළා.
වරෙක මවුබිම පුවත්පත සමඟ පැවති සම්මුඛ සාකච්ඡාවකදී ඒලියන්ත වයිට් මහතා සදහන් කර තිබුණේ මාස එකහමාරක කාලයක් කොවිඩ් වෛරසයෙන් පීඩා විදි ගුවන් සේවිකාවක් තමන් කුණ්ඩලීනි ශක්තියෙන් සුවපත් කළ බවයි.
එමෙන්ම කොවිඩ් වෛරසය මෙරටින් තුරන් වීම සඳහා යැයි කියමින් ඇමතිවරුන් කිහිපදෙනෙකු යොදවා ගංඟා කිහිපයකට කළගෙඩි අතහැරීමේ කුප්රකට සිදුවීමේ නිර්මාතෘවරයාද වූයේ ඒලියන්ත වයිට් මහතායි.