සෞදි ආරාබිය හමුවේ අනපේක්ෂිත පරාජයක් ලබමින් ලෝක කුසලාන තරගාවලිය ආරම්භ කළද යළි සුපුරුදු රිද්මයට අවතිරණව පිලිමලුන් පිටුදැකීමේ වටයට සුදුසුකම් ලබා ගන්නට සුපිරි ක්රීඩක ලියොනල් මෙසී ප්රමුඛ ප්රබල ආජන්ටිනාව සමත් වුණා.
ඒ පෝලන්තය සමග පැවති තරගය 2 – 0 ක් ලෙස ජයගනිමින්.
මෙසීට ලැබුණු දඬුවම් පහරක් සර්ථක කරගනීමට නොහැකි වීමත් සමග තරගයේ පළමු අර්ධය ගෝල නොමැතිව නිමා වුවත් දෙවන අර්ධයේදී ක්රියාත්මක වූ Alexis Mac Allister සහ Julian Alvarez ආර්ජන්ටිනාව මෙවර පාපන්දු ලෝක කුසලානයේ තවත් අදියරක් ඉදිරියට රැගෙන ගියා.
මේ අතර සී කාණ්ඩයේ තවත් තරගයක් සෞදි අරාබිය සහ මෙක්සිකෝව අතර පැවැත්වුණා.
එය වැදගත් වුණේ එම කණ්ඩායම් දෙකේම මෙන්ම ආර්ජන්ටිනාව සමග තරග වැදුණු පෝලන්තයේ ඉරණමද ලියැවී තිබුණේ මේ තරගය මත හේතුවෙන්.
තරගය 2 -1 ලෙස මෙක්සිකෝව ජය ගත්තද ගෝල ලබා ගැනීම මත කණ්ඩායම් දෙකම තරගාවලියෙන් ඉවත් වූ අතර පෝලන්තය පිලිමලුන් පිටුදැකීමේ වටයට සුදුසුකම් ලැබුවා.
තරගයේ 94 වැනි මිනිත්තුව දක්වාම 2 -0 ක් ලෙස ඉදිරියෙන් සිටි මෙක්සිකෝව පිලිමලුන් පිටුදැකීමේ වටයට පිවිසීමේ ඉඩ හසර විවර කරගෙන සිටියා.
ඒ FIFA Fiar play නීතියට අනුව ප්රසාද ලකුණු සටහනේ සම තත්ත්වයේ පවතින අවස්ථාවේ ඊළඟ වටයට පිවිසීම ගෝල 2ක පරතය තබා ගැනීම මත තීරණය වන බැවින්.
නමුත් 95 වැනි මිනිත්තුවේදී ගෝලයක් ලබා ගත් Salem Al Dawsari මෙක්සිකෝ බලාපොරොත්තු බිඳ දැමුවා.
ඒ අනුව සී කාණ්ඩයෙන් ආර්ජන්ටිනාව සමග පෝලන්තය ලෝක කුසලාන පිලිමලුන් පිටුදැකීමේ වටයට සුදුසුකම් ලැබුවා