එක් අයෙකුට රුපියල් 2000 බැගින් ජනතාව අතර මුදල් බෙදමින් සිටි අයෙක් නෙල්ලිඅඩි පොලීසිය විසින් අත්අඩංගුවට ගෙන තිබෙනවා.
අදාල පුද්ගලයා මෙලෙස යාපනය නෙල්ලිඅඩි පොලිස් වසමේ උඩුප්පිඩි ප්රදේශයේ ජනතාව අතරේ රුපියල් කෝටි 2 ක පමණ මුදලක් බෙදා දීමට සූදානමෙන් සිටි බවයි පොලිසිය පවසන්නේ.
ඊයේ (06) දින අදාල පුද්ගලයා ඇතුලු තුන් දෙනෙකු නෙල්ලිඅඩි පොලීසිය විසින් මෙලෙස අත්අඩංගුවට ඇත්තේ නිරෝධායන නීති කඩ කිරීමේ චෝදනාව මතයි.
ස්විස්ටර්ලන්තයේ සිටින තම පුතා විසින් අදාල පුද්ගලයාට එවූ මුදල් එලෙස ජනතාව අතර බෙදා හැරි බවයි වැඩිදුර පොලිස් විමර්ශන වලදී හෙළිවී ඇත්තේ.
කෙසේ නමුත් ඔවුන්ගෙන් ප්රකාශ සටහන් කර ගැනීමෙන් අනතුරුව මුදාහැරීමට නෙල්ලිඅඩි පොලීසිය විසින් පියවර ගෙන තිබෙනවා.