මෙවර පළාත් පාලන ඡන්ද විමසීම සඳහා කැබිතිගොල්ලෑව ප්‍රාදේශීය සභාවට ඊතලවිද්දවැව කොට්ඨාසයෙන් එක්සත් ජාතික පක්ෂයෙන් ඉදිරිපත් අපේක්ෂකයෙකුගේ පියෙකුට කිසියම් පිරිසක් විසින් නිරුවත් කර පහරදීමක් සිදුකර තිබෙනවා.
ඊයේ (27) අළුයම මුහුණු ආවරණය කරගෙන පැමිණි පිරිසක් පහර කෑ පුද්ගලයා නවාතැන්ගෙන සිටි නිවසෙන් පිතට රැගෙන ගොස් මෙම පහර දීම සිදුකර තිබුණේ අසළ පිහිටි කණුවකට ගැට ගැසීමෙන් පසුවයි.
එහිදී ඉදිරි පළාත් පාලන ඡන්ද විමසීමට සිය පුත්‍රයා ඉදිරිපත් නොකරන ලෙස තර්ජනය කරමින් පහර දුන් පිරිස ඔහුට ප්‍රකාශ කර තිබෙනවා.
සිද්ධිය සම්බන්ධයෙන් කැබිතිගෝල්ලෑව පොලිස් විමර්ශනයක් සිදු කරනු ලබනවා.
