ඉකුත් දා ජනාධිපති ගෝඨාභය රාජපක්ෂ ගේ නුගේගොඩ මිරිහානේ පිහිටි පෞද්ගලික නිවස ඉදිරිපිට සිදුකළ උද්ඝෝෂණ ව්‍යාපාරය අතර තුර බස් රථ දෙකකට ගිනි තැබීම සම්බන්ධයෙන් අවශ්‍යව සිටින සැකකරුවන් දෙදෙනෙකු අත්අඩංගුවට ගැනීමට අපරාධ පරීක්ෂණ දෙපාර්තමේන්තුව මහජන සහාය පතනවා.
මෙම සැකකරුවන් සම්බන්දයෙන් යම් තොරතුරක් ඇතොත් මෙම අංක වලට දැනුම් දෙන ලෙසයි පොලිසිය මහජනතාවගෙන් ඉල්ලා සිටින්නේ.
මෙම ගැටුම්කාරී අවස්ථාවේදී යම්කිසි සංවිධානාත්මක කණ්ඩායමක් විසින් මෙලෙස බස් රථයට ගිනි තැබූ බවට රජයේ පාර්ශවයන් චෝදනා කළත් බස් රථයට ගිනි තැබූ පුද්ගලයා එම ක්‍රියාව සිදු කරන අවස්ථාවේදී අවට පොලිස් නිලධාරීන් ඒ දෙස බලා සිටින අයුරු මාධ්‍ය ඔස්සේ ප්‍රචාරය වූ වීඩියෝ දර්ශනවල සටහන් වී තිබුණා.
මෙම පුද්ගලයා සම්බන්ධ කිසිදු තොරතුරක් මේ වන තුරු වාර්තා වී නොමැති අතර ඔහු එම ක්‍රියාව සිදු කරන අතරවාරයේ අත්අඩංගුවට නොගත්තේ මන්දැයි සමාජ ක්‍රියාකාරීන් සහ විරුද්ධ පක්ෂයේ මන්ත්‍රීවරුන් පොලීසියෙන් ප්‍රශ්න කර සිටියා.
එම පුද්ගලයන් ගැන සෙවීම පසෙක තබා පොලිසිය සහ ආරක්ෂක අංශ විසින් මාධ්‍යවේදීන්ට පහර දීම, සාමාන්‍ය ජනතාවගේ නිවෙස් වෙතම ගොස් මර්දනය කිරීම සම්බන්ධ වීඩියෝ වාර්තා දැකගත හැකි විය. කෙසේ නමුත් මේ විට පො;ලිසිය බස් රථ ගිණිතැබූවන් සම්බන්ධව විමර්ෂණ සිදු කරන අතර මේ සම්බන්ධයෙන් ශ්‍රී ලංකා පොලීසිය නිකුත් කළ එම සම්පූර්ණ නිවේදනය පහතින්,
