මින් ඉදිරියට ආලෝක සංඥා අක්‍රීය කර රථවාහන පාලනය නොකරන ලෙස වැඩබලන පොලිස්පති ප්‍රියන්ත වීරසූරිය මහතා සියලු පොලිස් කොට්ඨාස භාර ප්‍රධානීන්ට හා පොලිස් ස්ථානාධිපතිවරුන් වෙත උපදෙස් දී තිබෙනවා.
රථවාහන ආලෝක සංඥා සවිකර ඇති ස්ථානවල එම ආලෝක සංඥා අක්‍රීය කර පොලිස් නිලධාරීන් රාජකාරියේ යෙදවීම ආලෝක සංඥා පුවරු සවිකිරීම මගින් අපේක්ෂා කරන ලද අරමුණුවලට පටහැනි බවයි, වැඩ බලන පොලිස්පතිවරයා පෙන්වා දෙන්නේ.
එමෙන්ම එම ස්ථානවල රථවාහන පාලනයට රාජකාරි සඳහා යොදවනු ලබන පොලිස් නිලධාරීන්ගේ ශ්‍රමය අපතේ යෑමක් එමගින් සිදුවන බව ද ඔහු පෙන්වා දී තිබෙනවා.
මින් ඉදිරියට රථවාහන අලෝක සංඥා පුවරු මගින් රථවාහන පාලනයවීම ප්‍රමාණවත් නොවන විශේෂිත වූ අවස්ථාවකදී හැර රථවාහන ආලෝක සංඥා මගින් රථවාහන පාලනය කරන අවසථාවල පොලිස් නිලධාරීන් මගින් රථවාහන පාලනය කිරීම නොකළ යුතු බවද පොලිස්පති ප්‍රියන්ත වීරසූරිය මහතා උපදෙස් දී තිබෙනවා.
