පසුගියදා පැවති සිරස ලක්ෂපති වැඩසටහනට සහභාගී වී සිංහරාජ රක්ෂිතයේ සිදුවන පරිසර විනාශය පිළිබදව සිය අදහස් පලකල භාග්යා අබේරත්න දියණියගෙන් රක්වාන පොලීසිය කටඋත්තරයක් සටහන් කරගෙන තිබෙනවා.
ඒ එම වැඩසටහනට සහභාගීවී සිංහරාජ රක්ෂිතයේ ඇය ජීවත්වන ප්රදේශය අවට කැළේ කපමින් තිබෙන නමුත් කිසිවෙකුත් ඊට එරෙහිව කටයුතු නොකරමින් තිබෙන බවට ඇය සිදුකල ප්රකාශය සම්බන්දයෙනි.
භාග්ය අබේරත්න සිරස ලක්ෂපති වැඩසටහනට සහභාගී වී සිදුකල ප්රකාශය පිළිබදව මේ වන විට සමාජ මාධ්ය ඔස්සේ දැඩි කතාබහකට ලක්ව තිබෙනවා.
ඇතැම් පාර්ශව ඇයගේ නිර්භීතභාවය පිළිබදව ප්රශංසාත්මකව අදහස් පලකරන අතර ඇතැම් පාර්ශව ඇය පවසන තොරතුරු ව්යාජ ඒවා බවට විවිධ තර්ක ඉදිරිපත් කරමින් සිටිනවා.
එම පාර්ශව සදහන් කරන්නේ කැළේ කපන බවට ඇය පවසන ඉඩම් සිංහරාජයට අයත් ඉඩම් නොව පෞද්ගලික ඉඩම් බවයි.
කෙසේ වෙතත් පරිසරවේදී සජීව චාමිකර මහතා පවසන්නේ සිංහරාජයට අයත් ඉඩම් රැසක් මේ වන විට ව්යාජ ඔප්පු සකසා පෞද්ගලික පරිහරණයට ගෙන ඇති බවට තොරතුරු තහවුරු වී ඇති බවයි.