පුද්ගලයින් දෙදෙනෙකුට පහරදීමේ සිද්ධියකට හම්බන්තොට නගරාධිපති එරාජ් රවීන්ද්ර ප්රනාන්දු අත්අඩංගුවට ගැනීමට කටයුතු කරන බව පොලීසිය ප්රකාශ කරනවා.
නගරාධිපතිවරයා පසුගිය 14 වනදා රාත්රියේ සිය මෝටර් රථයෙන් පැමිණ බම්බලපිටිය – කොතලාවල ඇවනිව් ප්රදේශයේ ඉඩමකට කඩාවැදී එහි ආරක්ෂාවට සිටි පුද්ගලයින් දෙදෙනෙකුට පහරදී ඇති අතර ඉන් එක් අයෙකු කොළඹ ජාතික රෝහලේ ප්රතිකාර ලබනවා.
එරාජ් ප්රනාන්දු මහතා තමාටත් තමන් සමග සිටි අනෙක් ආරක්ෂක නිලධාරියාටත් පරුෂ වචනයෙන් බැන වැදී පහර දුන් බව ආරක්ෂක නිලධාරියකු බම්බලපිටිය පොලිසියට කළ පැමිණීල්ලක් කර ඇති බවයි පොලිසිය පවසන්නේ.
මෙම පහරදීම සම්බන්ධයෙන් සිව් දෙනකුගෙන් ප්රකාශ සටහන් කරගෙන ඇති බවත් එම ප්රකාශ ඔස්සේ පරීක්ෂණ පවත්වා එරාජ් ප්රනාන්දු මහතා අත්අඩංගුවට ගැනීම සදහා කටයුතු කරමින් සිටින බවත් බම්බලිපිටිය පොලීසිය වැඩිදුරටත් සදහන් කරනවා.
2014 වසරේ අප්රේල් මාසයේදී හම්බන්තොට වරාය නිරීක්ෂණයට ගිය එක්සත් ජාතික පක්ෂ පාර්ලිමේන්තු මන්ත්රීවරුන් ඇතුළු කණ්ඩායමකට පිස්තෝලයක් පෙන්වා බිය ගැන්වීමේ සිද්ධියකට අදාලව හම්බන්තොට මහාධිකරණය විසින් මොහුව මීටපෙර බරපතල වැඩ සහිත සිරදඬුවම් නියම කරනු ලැබුවා.
කෙසේ නමුත් එරාජ් ප්රනාන්දු වෙනුවෙන් මහාධිකරණයට යොමුවූ ඇප අයැදුම්පතක් සලකා බැලීමෙන් අනතුරුව මහාධිකරණ විනිසුරු චාමර තෙන්නකෝන්ගේ නියෝගයකට අනුව ඔහුව ඇප මත මුදා හරින ලදි.