සුන්දර දියඇල්ලක් වන පහන්තුඩාව අසල තරුණ යුවළක් ලිංගිකව හැසිරෙන ආකාරය දැක්වෙන වීඩියෝ පටයක් පිළිබඳව පොලිස් මූලස්ථානයේ දැඩි අවධානය යොමුව තිබෙනවා.
ඒ අනුව පරිගණක අපරාධ කොට්ඨාශයේ නිලධාරීන් කණ්ඩායමක් අද (01) පහන්තුඩාව දියඇල්ල ආසන්නයට ගොස් පරීක්ෂණ ආරම්භ කිරීමට නියමිතයි.
මෙම වීඩියෝ පටය සහ ඊට අදාල දර්ශන සමාජ මාධ්ය ජාලා ඔස්සේ මේ දිනවල සංසරණය වූ බවත් දරුවන් ඔන්ලයින් අධ්යාපනයට යොමුව ඇති වකවානුවක මෙම දර්ශන නැරඹීමට යොමුවුවහොත් එය ඛේදජනක බවත් ශ්රී ජයවර්ධනපුර ජයසේකරාරාමය විසින් ජනාධිපති ගෝඨාභය රාජපක්ෂ මහතා වෙත යොමුකළ ලිපියක දැක්වුණා.
මෙම වීඩියෝව හරහා මෙරට සදාචාරයට මරුපහරක් එල්ලවන බවත් තවත් මෙවැනිම වීඩියෝවක් මීමුරේ ප්රදේශයේත් පටිගත කරඇති බවත් එම ලිපියේ වැඩිදුරටත් දැක්වුණු අතර, එම ලිපිය යොමු කළ ස්වාමීන් වහන්සේ ජනපතිවරයාගෙන් ඉල්ලා සිටියේ මේ සඳහා නීතිමය පියවරක් ගන්නා ලෙසයි.