වෘත්තීය ක්රියාමාර්ග අනුව තමන් රාජකාරි කටයුතු වලින් ඉවත්වන බව පොළොන්නරුව අධ්යාපන කලාපයේ විදුහල්පතිවරුන් දන්වා සිටිනවා.
උතුරුමැද පළාත් අධ්යාපන අධ්යක්ෂ සහ කලාප අධ්යක්ෂවරුන් අතර පැවති zoom හමුවේදී විදුහල්පතිවරුන් හෑල්ලුවට ලක් කිරීමට විරෝධය පෑමත්, ගුරු-විදුහල්පති වෘත්තීය සමිති සංධානය ප්රකාශිත සියළු කරුණු වලට එකඟතාව පල කිරීමත් මෙහි අරමුණ වී ඇත.
මේ අතර, ගුරුවරුන්ගේ හා විදුහල්පති වැටුප් ගැටළුව විසඳීම සම්බන්ධයෙන් විශේෂ සාකච්ඡාවක් අද පස්වරුවේ අරලියගහ මන්දිරයේදි අද සවස පැවැත්විණි.
අග්රාමාත්ය මහින්ද රාජපක්ෂ මහතා සමග රාජ්ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද හිමි සහ අධ්යාපන අමාත්ය දිනේෂ් ගුණවර්ධන මහතා ද එම අවස්ථාවට එක්ව සිටියහ.
කෙසේ නමුත්, අග්රාමාත්ය වරයාගේ ප්රධානත්වයෙන් අද ගුරු නියෝජිතයන් සමග පැවති සාකච්ඡාවට තමන්ට කැඳවීමක් නොලද බව ගුරුවිදුහල්පති වැටුප් විෂමතා සටනේ නිරත ගුරු සංගම් සංධානය අද පස්වරුවේ සඳහන් කර සිටියා.
අදාල රැස්වීම අද පැවැත්වීමට නියමිතව තිබූ නමුත් එය කල් ගිය බව දැනුම් දුන් බව ඔවුන් කියා සිටියේ.