33 C
Colombo
Tuesday, March 19, 2024

පශ්චාත් යුද ආර්ථික වර්ධනය පුස්සක්..! – ආචාර්ය දුනුසිංහ

- Advertisement -

යුද්ධයෙන් පසු ඇති වූ ආර්ථික වර්ධනය පුස්සක් බව ඇස් පනා පිට දකින්නට ඇති බව ආචාර්ය ප්‍රියංග දුනුසිංහ මහතා පවසනවා.

එය විශාල ණය කන්දක් විසින් මෙහෙයවන ලද ආර්ථික වර්ධනයක් බවයි ආචාර්ය දුනුසිංහ මහතා පෙන්වා දෙන්නේ.

ඒ, ඊයේ (11) රූපවාහිනී සජීවී වැඩසටහනකට එක්වෙමින්.

“ඊලඟ කාල සීමාව තුළ දී අපිට එහෙම ක්ෂණිකව ආර්ථික සහන ලබා දෙන්න හෝ එහෙම නැත්තන්ම් ආර්ථිකය යහපත් තත්ත්වයට පත්වේවි යැයි කියලා හිතන්න තියන කරුණු කාරණා ඉතාමත් අඩුයි. දෙවැනි කාරණාව තමයි දැන් ඉන්දියාවත් ජාත්‍යන්තර මුල්‍ය අරමුදලට යනවා 1991. ඉතාමත්ම බරපතල විදිහට ගෙවුම් ශේෂ අරබුදයකට අදාලව පැන නැගිලා. හැබැයි ඉන්දියාව ඊට පස්සේ මොකද කරන්නේ, අදාල ආර්ථික ප්‍රතිසංස්කරණයන් හා ඒ කටයුතු නිසි ආකාරව කරනවා. ඒක හින්දා මේක මේ ජාත්‍යන්තර මූල්‍ය අරමුදල තුළ නෙවෙයි වරද තියෙන්නේ.

වරද තියෙන්නේ අපි අදාලව නිවැරදි තීන්දු තීරණ අරගෙන ආර්ථිකය මෙහෙයවන්නේ නැති එකේ තමයි දෝෂය තියෙන්නේ. දේශපාලනික යාන්ත්‍රණය කල්පනා කරනවා ණය අරගෙන පාරවල්වලට කොන්ක්‍රීට් දාලා, ණය අරගෙන තව මොනව හරි බෙදලා ඉවර වෙලා ඡන්ද ලබා ගැනීම තුළ ආර්ථිකය පවත්වා ගෙන යා හැකි කියලා. නමුත් අද වන විට ඇස් පනා පිට පෙනිලා තියනවා, උදාහරණයක් විදිහට යුද්දෙන් පස්සේ ඇති වුණු ආර්ථික වර්ධනය පුස්සක් කියලා ඇස් පනා පිට පේනවා. ඒ විශාල ණය කන්ද විසින් මෙහෙයවපු ඒ විශාල ආර්ථික වර්ධනය, ඒ ආකාරයට ආර්ථිකය වර්ධනය කරන්න ගිය එකේ ප්‍රතිඵලය තමයි අද මේ විදිහට ජනතාව විශාල විදිහට දුක් විඳින තත්ත්වයට පත් වෙලා තියෙන්නේ. විශාල ණය කන්දකට අරගෙන ගිහිල්ලා.

මේ නිසා අවම වශයෙන් දැන්වත් රජය තුළ අපි බලාපොරොත්තු වෙනවා වෘත්තීමයභාවයකින් යුතුව රාජ්‍ය මූල්‍යවලට අදාලව හැසිරීමක්. අවම වශයෙන් අපිට අවශ්‍යනම් ඊලඟ දශක දෙක තුළ මේ හා සමාන අර්බුද හැම අවුරුදු 4කට 5කට ම සැරයක් එන එක වලක්වා ගන්න ඕන නම්. මොකද ජාත්‍යන්තර අත්දැකීම නම් ණය ප්‍රතිව්‍යූහගත කරන තැනකට රටක් පත් වුණාට පස්සේ ඒ මත ගනු ලබන තීන්දු තීරණ නිසා අපි නැවත නැවතත් ඒ දෙසට ගමන් කරනවා.

දැන් බලන්න මේ මාසේ දැන් මේ අවුරුද්දෙම අපි ණය කොච්චර අරන් තියනව ද ඉන්දියාවෙන්, අපි කෙටි කාලීනව චීනෙන් කොච්චර ණය අරන් තියනව ද, බිලියන 5ක් විතරනේ ඔක්කොම. එතකොට මේක ගෙවන්න එපැයි තව අවුරුදු 1 1\2 කින් 2 කින්. කොහොම ද ගෙවන්නේ? අපි ආයිත් ඒක ගෙවන්න යද්දි ආයිත් හිර වෙනවනේ.

ඒක හින්දා රටවල් 95ක් 910 වතාවක් ණය ප්‍රතිව්‍යුහගත කිරීම්වලට යොමු වෙලා තියනවා. මේක හරියට ස්වාභාවිකව තියන ඩෑම් එකක් වගේ. ඒක කඩා ගෙන ගියාට පස්සේ ආයිත් බැන්දට ශක්තිමත් නැහැ. ඒක හින්දා මේ ආර්ථිකය තුළ තවදුරටත් අපි මේ ඡන්ද බලාගෙන play කරන්න game ගහන්න ගියොත් මම හිතන්නේ ඒ තුළ රටේ ඉදිරි පරම්පරාවල අනාගතේ විශාල අඳුරකට අරගෙන යනවා. ඒකෙනුත් බහුතරයක් මම හිතන්නේ රටින් පැනලා යයි. ඉතුරු අසරණ මිනිස්සු තමයි මේකෙන් පීඩාවට පත්වෙන්නේ. මම හිතන්නේ ඒක තමයි මේ වෙද්දි තියන විශාලම අභියෝගය.”


RECENT ARTICLES - SINHALA

සිංහරාජයේ සිටි එක අලියෙක් අතුරුදන්

දැනට වසරක පමණ කාලයක සිට සිංහරාජය වනාන්තරය ආශ්‍රිතව ජීවත්වන අලින් දෙදෙනාගෙන් දැනට නිරීක්ෂණය වන්නේ එක අලියකු පමණක් බව වාර්තා වෙනවා. පසුගියදා පැවති කලවාන සම්බන්ධිකරණ කමිටු...

රෝහිත නිසා කෝප් එකෙන් තව මන්ත්‍රීවරයෙක් අයින්වෙලා

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී චරිත හේරත් මහතාද කෝප් කමිටුවෙන් ඉල්ලා අස්වූ බව සදහන් කරමින් ඔහුගේ නිල X ගිණුමේ සටහනක් තබා තිබෙනවා. මන්ත්‍රීවරයා එහි...

රෝහිතව සභාපති කළාම කෝප් කමිටුව තවත් හෑල්ලු වුණා – නලින් බණ්ඩාර (වීඩියෝ)

පාර්ලිමේන්තු මන්ත්‍රී රෝහිත අබේගුනවර්ධන කෝප් කමිටුවේ සභාපතිත්වයට පත්කිරීමෙන්  කෝප් කමිටුව තව තවත් හෑල්ලුවට ලක් වු බව පාර්ලිමේන්තු මන්ත්‍රී නලින් බණ්ඩාර පවසනවා. ඔහු කියා සිටින්නේ දැනටමත්...

POPULAR ARTICLES

ඩොලරය තවදුරටත් පහළට

ශ්‍රී ලංකාවේ වාණිජ බැංකුවල එක්සත් ජනපද ඩොලරයේ අගයට සාපේක්ෂව අද (18) දිනයේ ශ්‍රී ලංකා රුපියල තවදුරටත් ඉහළ ගොස් තිබෙනවා. ඒ අනුව, අද දිනයේ මහජන බැංකුවට...

ඩොලරය තවදුරටත් පහළට

ශ්‍රී ලංකා මහ බැංකුව විසින් අද (15) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රුපියල් 300.60ක් ලෙසත්...

ශ්‍රී ලංකා – බංග්ලාදේශ තරඟය මෙතනින් නරඹන්න (වීඩියෝ)

සංචාරක ශ්‍රී ලංකාව සහ බංග්ලාදේශය අතර තීරණාත්මක අවසන් එක්දින ක්‍රිකට් තරගය අද (18) මේ වන විට පැවැත්වෙනවා. තරග තුනකින් සමන්විත එක්දින තරගාවලිය මේ වනවිට...