මහ මැතිවරණයට අදාළ තැපැල් ඡන්ද අයැදුම්පත් මුද්‍රණය සම්පූර්ණයෙන් අවසන් කර ඇතැයි රජයේ මුද්‍රණාලය පවසනවා.
රජයේ මුද්‍රණාලයාධිපතිනි ගංගා කල්පනී ලියනගේ මහත්මිය සඳහන් කළේ, තැපැල් ඡන්ද අයැදුම්පත් ලක්ෂ 10ක් මුද්‍රණය කර ඇති බවයි.
ඒ අනුව, තැපැල් ඡන්ද අයැදුම්පත්වලින් කොටසක්, ඊයේ (29) මැතිවරණ කොමිසමට භාර දී තිබෙනවා.
ඉතිරි කොටස, අද කොමිසමට භාරදීමට නියමිත යි.
2024 මහ මැතිවරණය සඳහා තැපැල් ඡන්ද අයදුම්පත්‍ භාර ගැනීම හෙටින් (01) ආරම්භ වනවා.
එය අවසන් වන්නේ, ලබන 8 වැනිදායි.
මේ අතර, මහ මැතිවරණය පැවැත්වෙන නොවැම්බර් 14 වැනිදාට සතියකට පෙර සියලු මුද්‍රණ කටයුතු අවසන් කරන බව ද මුද්‍රණාලායාධිපතිනිය පැවසුවා.
නාම යෝජනා භාරදීමෙන් අනතුරුව ඡන්ද පත්‍රිකා, නිල ඡන්ද දැන්වීම් පත්‍රිකා ඇතුලු සෙසු මුද්‍රණ කටයුතු ආරම්භ කරනු ලබනවා.
මහ මැතිවරණයේ නාම යෝජනා භාර ගැනීම ඔක්තෝබර් 4 වැනිදා සිට 11 වැනිදා දහවල් 12 දක්වා සිදු වනවා.
