යූරෝ කුසලාන පාපන්දු තරඟාවලියේ අර්ධ අවසන් පූර්ව වටයේ අවසන් තරඟය පැවැත්වුණේ එංගලන්තය සහ යුක්රේනය අතරයි.
තරඟයේ සිව්වන මිනිත්තුවේදීම නායක Harry Kane ගෝලයක් ලබා ගනිමින් එංගලන්තයට සුපිරි ආරම්භයක් ලබා ගත්තා.
නමුත් පළමු අර්ධය තුල ඉන් පසුව කණ්ඩායම් දෙකටම ගෝල ලබා ගැනීමට හැකි වුයේ නැහැ.
ඒ අනුව පළමු අර්ධය නිමා වුණේ 1-0 ක් ලෙස එංගලන්තය පෙරමුණේ පසුවෙමින්.
දෙවන අර්ධයේ 46, 50 සහ 63 වන මිනිත්තුවලදී තවත් ගෝල ත්රිත්වයක් ලබා ගත් එංගලන්තය තරගයේ පාලනය මුලුමනින්ම තමන් වෙත නතු කරගත්තා.
46 වන මිනිත්තුවේදී Kane ලබා ගත්තේ තරඟය තුළ දෙවැනි ගෝලයයි.
එමෙන්ම 63 වන මිනිත්තුවේදී Jordan Henderson ලබා ගත්තේ එංගලන්තය වෙනුවෙන් තම පළමු ගෝලයයි.
කෙසේ වෙතත් යුක්රේනයට එකදු ගෝලයක් හෝ රැස් කරගැනීමට හැකි වූයේ නැහැ.
ඒ අනුව නියමිත කාලය අවසන් වනවිට ප්රභල එංගලන්තය 4-0ක් ලෙස පහසුවෙන් තරගය ජයගනිමින් අවසන් පූර්ව වටයට සුදුසුකම් ලැබුවා.
අවසන් පූර්ව වටයේ පළමු තරගය ඉතාලිය සහ ස්පාඤ්ඤය අතර ලබන අඟහරුවාදා පැවැත්වෙනවා.
දෙවන තරඟය එංගලන්තය සහ ඩෙන්මාර්කය අතර ලබන බදාදා පැවැත්වීමට නියමිතයි
යූරෝ කුසලාන අවසන් මහා තරඟය ලබන ඉරිදා පැවැත්වෙනු ඇති.